Wednesday, February 6, 2013

تلك اللمسة السحرية ...



عندما أسمع أو أرى أحدهم و هو يتمنى "أتمنى أن أسمع أغان من دول مختلفة، و أشاهد أفلام دول مختلفة، و أقرأ لكتاب من دول مختلفة، و أزور دول مختلفة، و أتذوق طعام دول مختلفة، و سأكون سعيداً" ألحظ كم أنا مخطئة في عيش هذه الحياة.

فلقد عشت كل هذا و لكني مازلت أشعر بأن شيئاً ما ينقصني. ففي كل لحظة كنت أحقق فيها حلم من أحلامي كنت أفكر في الحلم التالي له دون أن أستمتع بالكامل بتلك اللحظة، اللحظة التي مرت و لن تعود أبداً. و هذا هو خطأي.
....

قطتين لونهم أبيض بعيون زرقاء و فيونكة كبيرة وردية .. جبتهم من محل، و للأسف هم مجرد لعب. أتمنى السنة الجاية أجيب شبيهتين لهم و لكن حقيقتين. القطط مخلوقات جميلة.
....

أعاني من حالة من الكسل و الامبالاة، لا كتبي الجديدة تحفزني، و لا عملي يشجعني، و لا الانترنت و عالمه الفسيح يمتعني، هناك شئ ما ينقصني، ما هو؟ مش عارفة! أعتقد أني فقدت تلك اللمسة السحرية في حياتي، محتاجة أعيد مشاهدة أفلام ديزني من أول و جديد، عشان أستيعد المرح و السعادة اللي فيهم، و لا ضرر من الشوكولاتة و الكيك و الشيبسي بالطماطم و كوكاكولا مشبرة.
....

مين قال إن الكافيين سئ؟ كل حاجة بحبها فيها كافيين إذاً فهو شئ جميل. ده منطقي صح؟

4 comments:

  1. مش محتاجة تشوفي افلام
    ولا حاجة من دى
    محتاجة تدوري عالمرح دا جواكي وتعرفي كويس أوي إي اللى ناقصك او ايه اللى محتاجاه
    الموضوع سهل
    بس محتاج حبة هدوء
    وراحة لمدة يوم
    هتلاقى نفسك رتبتي امورك
    هتلاقى الحاجات اللى نقصاكي ظهرت للنور وعرفتي بالظبط انتى عايزة ايه

    اتمني لك التوفيق

    --
    الحمد لله انى مش زيك فى نقطة الاستمتاع باللحظة دى
    لانى والحمد لله مش بعيش اللحظة وبس
    أنا بعملها خلود جوايا وبقدر افتكرها بكل تفاصيلها وفرحتها
    مش بتضيع
    لانى بعيشها بكل طاقتي كويس اوى اوى اوى
    ---

    مفيش طريقة للحياة مخطئة يا عزيزتي
    كل الطرق صح
    هل عايزة كل اساليب الطبخ لكل الطهاة وكل الأكل يبقى واحد ؟؟؟؟؟؟

    مينفعش

    لازم كل واحد يبقى له طريقته

    يواجه الحقيقة ويشوف الدنيا ويعرف عايز ايه ويستمتع بيها بكل بساطة

    طيب انا اعرف واحد كان ...
    ولا بلاش رغي

    إلي تعليق آخر وزيارة أخري

    كوني بخير

    أنا مشترك فى نفس الحملة
    وسعيد بقراءة تخاريفك
    كريم
    شاب فقري

    ReplyDelete
    Replies
    1. مبسوطة بتعليقك المفصل :)
      فعلاً كل واحد جواه أسباب فرحته بس يدور كويس جواه.
      انا بقى اتعلمت من الموضوع ده و قررت اعيش كل لحظة بلحظتها :)

      منتظرة تعليقاتك وسعيدة بمرورك :)

      Delete
  2. دوري ع الطفلة اللي جواكي وهتفرحي .. دوري عن رضا ربنا وهتفرحي .. فرحي ناس غلبانة وهتفرحي .. ابتسمي في وش الناس هتفرحي

    كلامك بسيط وجميل .. فيه روح طفلة بتكتب ..

    ReplyDelete
    Replies
    1. معاك حق في كل اللي كتبته .. هي الحاجات البسيطة دي اللي بتفرق :)
      سعيدة بمرورك و ان التدوينة عجبتك :)

      Delete