أيام الفضفضة .. وحشتنى جدا
كنت بكون عندى كلام و أعرف أفضفض و أتكلم , و لكن حاليا يبدو أن موهبة "الفضفضة" اختفت او تآكلت أو حصلها شئ ما , لأنى لم أعد أستطيع أن أحكى عن أبسط حاجة حصلتلى
و مثلها مثل كل شئ أخر .. كان عندى و راح !
المذهل هنا أنى لم أدرك أنى امتلك تلك الصفات أو المواهب أو أيا كان اسمها , حتى لاحظت اختفائها .. و كنت أعتقد أنها أشياء مسلم بها فى أنا , و ليس من الممكن ان تذبل بمرور الوقت , أمثلة ؟
الفضفضة , القدرة على تمالك الأعصاب و الهدوء , التفاؤل , القدرة على الاتيان بحلول أخرى و بسرعة , القدرة على الكتابة بسهولة (الأفكار مكنتش بتخلص!) , و القدرة على تنظيم الوقت .. إلخ !
طبعا يبدو من كلامى أنى دلوقتى أصبحت كائن هلامى لا يقوم بأى شئ مفيد فى الحياة .. لأ انا بقوم بس مش بيعجبنى اللى بقوم بيه ! عايزة أعمل حاجة اكون مقتنعة باللى بعمله , و عايزة أحس انى كائن مفيد .. بلاش للبشرية لأنها كبيرة أوووى .. أكون كائن مفيد لنفسى !
هل هقدر ؟
Themesong: Bon Jovi - It's My Life
أنصحكم بسماع الأغنية دى .. فهى علاج مثالى لحالات الاكتئاب و فقدان الثقة بالنفس :)
تصدقي وحشتني انا كمان يارضوي
ReplyDeleteمفتقدة جدا احساس البساطه
لما تحب تتكلم هتتكلم
لما تحب تكتب هتكتب
يارب تبقي فتره مؤقته وتعدي ان شاء الله
مبسوطه اني اتعرفت علي قلمك النهارده
واوعدك ادور عالاغنية :)
اى حد فينا والله يا رضوى بتعدى عليه الاوقات دى
ReplyDeleteبيحس انه فاضى من كل حاجه
من الافكار ومن الحوار ومن حتى الكلام
بس بتكون فتره وبتعدى
وبترجع الدماغ تشتغل تانى زى ما هى
ان شاء الله تكونى فى احسن حالاتك :))
اسمعي فيروز
ReplyDeleteممكن تخليكي احسن
واحلي حاجة اسمعي سهر الليالي بلاش حاجة حزينة
كلنا بنمر بالحالة دى
ReplyDeleteوأعتقد إن ذروتها عندى اليومين دول :)
فى حاجات كتير حلوة فى حياتنا مش بنحس بيها إلا لما بتضيع مننا .. أو بنفقدها لسبب ما
"لولا التعب ماكناش عرفنا طعم الراحة"
إن شاء الله نكون كلنا أحسن
هي حالة بنمر فيها ساعات يعني أوقات بيكون في تدفق للأفكار والكلمات وساعات تحسي انه دماغك دي صحراء قاحلة .. حسب النفسية
ReplyDeleteتدوينة حلوة في انتظار القادم
كلماتك بسيطة و فى نفس الوقت عميقة , كل انسان فى الدنيا يقدر يبقى أى حاجة بيشوفها حلم بثلاث حاجات مع بعض : توفيق ربنا , تفاؤل كبير , تحدى مع الايمان بقضيته , لازم يشوف ان بكره أحلى و ان فى هدف أو حاجة مستنيها من هنا بيكون الحياة ليها طعم حتى لو محسناش بيه فى فترة كانت متعبة شوية :)
ReplyDeleteالحالة دى ساعة تروح وساعة تيجى عندى :D:D
ReplyDeleteإن شاء الله تسعدى نفسك بحاجة تستحق الفشخرة ياتويننى :))
كل حاجة فحياة الانسان مهمة مهما كانت صغيرة
ReplyDeleteبس مش بنعرف ده غير لما مش بنلاقيها
انا كمان نفسى اكون حد بينفع البشرية :)
ان شاء الله نقدر :)
كل تفصيله مهمه
ReplyDeleteمهما كانت درجه صحتها او اهميتها
اهتمى بالصغير يظهر لكى الكبير :)