Sunday, July 1, 2012

كوليكشن إكتشَافات



مجموعة إكتشافات تلاحقني, عدم إجادتى للطبخ تؤرقني و تخجلني كثيراً, من المفترض أني فتاة متخرجة و "على وش جواز" كما يقولون .. أو يريدون, و الطبخ أولوية فى الحياة كما يزعمون. و لكن لم لا يعد البيض المقلى طبخاً؟ لم لا يعد التحمير طبخاً كذلك؟ تحمير البطاطس يتطلب مجهوداً أيضاً .. أتعرفون ذلك؟

و إكتشفت أني أفضل الأفلام الفرنسية و هذا القرار جاء بعد فيلمين فقط, يا للمفاجأة. أنا مندفعة جداً بالمناسبة و لكن هذا إكتشاف قديم نوعاً ما. أود تعلم الفرنسية و أتمنى أن أغنية أغنية بالفرنسية. و أتمنى أن أتعلم أن أعد باستا ممتازة, و لا تكون صلصة الطماطم فيها "زيادة". أحب ساعات الفجرية جداً و لم أعد أشرب الشاي بكثرة و هذا يزعجني جداً, الشاى مضر؟ أعرف, و لكنه دوائي الخاص.

بدأت أقتنع جداً بلعنة الفراعنة و أخشى أن تنتقل لى و أجد روح ملكة شريرة بداخلى ًو أن مصيري مرتبط بمصير خنفساء أثرية. لا أدري لمَ لم أصر على دراسة التاريخ! كان بإمكاني أن أكون عالمة أثار الأن "أعتقد", و أذهب بنفسي و أتاكد من لعنة الفراعنة –بدل ما أنا عمالة أحلم بيها- و كم أتمنى ان يخيب ظني.

إسمي .. فى كل مرحلة عمرية من حياتى وددت تغييره, فى طفولتي أردته "ريـم" و في المرحلة الاعدادية أردته "لـوجين" و الثانوية و ما بعد أردته "ليـلى". الأن ليس هناك إسم معين يحوم فى رأسي, لا أدري أهذا رضى عن إسمي –أخيراً- أم أني بدأت أستسلم للأمر الواقع و أنه لن يتغير؟ تريدون معرفة لم أرغب بتغييره؟ حرف الضاد, هو مشكلتى.

أود أن أترجم و أكتب و أؤلف و أعمل كصحفية في قسم ثقافي بمجلة ما, كل هذا فى وقت واحد. و لكن يبدو أن لا أحد يشاركني فى الرأى. كل من أقابله, يقول لي "إختاري حاجة واحدة, هتشتتي نفسك". هاك معلومة يا صاح, إيه وجه التشتيت في أني أعمل اللي بحبه؟ أوف!

سرعتي في القراءة بدأت تنحدر و إكتشفت أن نفس الكتاب موضوع بجانب السرير لمدة أسبوع و لم أقرأ فيه صفحة! رغم روعة الكتاب, و لكن النت –ربنا يسامحه- ينسينى إيه اللى ورايا و إيه اللى مش ورايا! و على صعيد أخر, ترجمت مقالة مهولة الحجم و معقدة الألفاظ بطريقة مريبة, لدرجة أني فخورة بنفسي فخر غير عادي! ليه فخورة؟ لأنى لم أدرس ترجمة –للأسف- فكلها عبارة عن إجتهاد ذاتي و أتمنى أنه يأتي بنتيجة ما!

قررت أن أتابع أفلام أكثر, و أقرأ أكثر, و أشترى كل المجلات الثقافية فى السوق لأحدد حلمي القادم, لا أستطيع أن أحيا بدون هدف, حتى و إن كان ضبط الملح فى طعامى. و إكتشفت أن الروتين يحولني لنسخة سيئة منى, أصبح عصبية المزاج و حادة الطباع و كل ما يمكن تخيله, و لم و لن يصدقنى أحد أن كل هذا سببه الملل.


الدموع سحرية, نعم لا بد أن تكون كذلك. فكيف يمكن أن تريحك و أنت لم تسترد حقاً و لم تأخذ موقفاً دفاعياً ممن أغضبك. و لكن البكاء يريح بطريقة ما, فها أنت ذا تخرج كل غضبك و حنقك و غيظك في شكل قطرات من الدموع المالحة التي لن تقدم و لا تؤخر. كم أنت غريب أيها الإنسان.


إكتشفت أن كذلك أن مهما كبر الإنسان, سيظل الكرتون يحتل تلك المرتبة المميزة في قلبه, حتى إن أراد نكران ذلك. سيظل ذلك الكارتون يذكره بأول موقف بطولي إتخذه و ذلك الكرتون سيذكره بحبه الأول و ذلك يذكره بما كان يفعل في وقت فراغه. كم أنت عظيم أيها الكرتون.

 أخر إكتشاف لليوم, إكتشفت أنى أفضل النهايات السعيدة, مهما كانت ساذجة, لا أقوى على رؤية نهاية حزينة تقطع قلبي و أحلم بها, لا بد لنهاية سعيدة, لا بد!



16 comments:

  1. اجمل ما في التدوينة انها بعض منك
    تحملك بين ثناياها بين ما يغضبك و ما يفرحك و ما تشتهيه و ما تجديه و ما تخشينه
    رائعة يا صديقتي دمتِ راقية
    و تصبحي على خير :)

    ReplyDelete
    Replies
    1. أشكرك بشدة .. بحاول أن أعبر عن نفسى أكثر!
      دائما تنورنى بمرورك :)

      Delete
  2. و إكتشفت أنى أفضل الأفلام الفرنسية و هذا القرار جاء بعد فيلمين فقط, يا للمفاجأة. أنا مندفعة جدا بالمناسبة و لكن هذا إكتشاف قديم نوعا ما. أود تعلم الفرنسية و أتمنى أن أغنية أغنية بالفرنسية. و أتمنى أن أتعلم أن أعد باستا ممتازة, و لا تكون صلصة الطماطم فيها "زيادة". أحب ساعات الفجرية جدا و لم أعد أشرب الشاي بكثرة و هذا يزعجني جدا, الشاى مضر؟ أعرف, و لكنه دوائي الخاص.


    انا حاسه نفسي بتتكلم

    لاء مش المقطع دة بس
    بس انا اكتشفت انى بحب الافلاام الهندى هههههههه

    واندافعيه واحلى شئ انك تبقي عايزة تعملى كل حاجه بتحبيها في وقت واحد كدهو

    خليكى زى ما انتى لان كل اللى بيحاولوا ياثروا عليها بشر مسيرهم هيغيبوا ويتواجدوا وفقا لظروف الا نفسك هتفضل علي طول معاكى :)

    ReplyDelete
    Replies
    1. بالضبط .. حاسة أنى عايزة أعمل كل حاجة فى وقت واحد بجد!
      الأفلام الهندى ممتعة اوى كمان :D
      هحاول أرضى نفسى الأول بقى
      ربنا يخليكى يا رونا :)

      Delete
  3. ههههههه أنا كمان يا رووو لا بحب الطبخ و لا كنت بحب اسمي عشان حرف السين بيتنطق صاد :DD

    بس ايه المشكلة ؟

    أحيانـًا أكبر عقبة في حياتك بتتحول لأكتر حاجة دافعة لك :)

    دمتي رائعة ♥

    ReplyDelete
    Replies
    1. ههههههههههه أوة بقى يا سوووو .. زى بعض أهو :)
      و ساعات كمان أسوأ حاجة فيك أنت شايفها وحشة ممكن تبقى أكبر ميزة فيك :)

      دمتِ أروع ♥

      Delete
  4. مساء الغاردينيا رضوى
    جميلة تلك الفضفضة الروحية مع نفسك
    كنتِ هنا تعرفيننا على بعضاً منكِ
    سعدت جداً بقرائتك"
    ؛؛
    ؛
    لروحك عبق الغاردينيا
    كانت هنا
    Reemaas

    ReplyDelete
    Replies
    1. أنا سعدت أكتر بمرورك يا ريماس :)
      و سعدت أنها أعجبتك أكتر :)

      Delete
  5. عحبتنى أوى يارودى
    كل تفصيلة من التدوينة عجبتنى
    وليكِ حق تفخرى .. إنجاز الأشياء متعة لا يضاهيها متعة
    ربنا يقدّرك وتحددى خطتك للفترة الحالية :)
    وبعدين مش لازم تتعلمى طبخ أصلاً !
    إيه على وش جواز يعنى ؟ يطبخوا هما لو جعانين كدة :D:P

    ReplyDelete
    Replies
    1. أنا عارفة ياختى .. كل ما أقول مش عارفة أطبخ حاجة
      تطلعلى الجملة دى من العدم ! :D
      ربنا يخليكِ يا توينى
      دايما مشجعانى .. و إن شاء الله أقدر أحدد أى حاجة بقى :)

      بحبكِ ♥

      Delete
  6. عجبتنى اوووى اكتشافاتك :)
    ده اسمك جميل خالص ودلعه اصلا اجمل
    اهم حاجه ان الواحد يوم عن يوم يكتشف حاجه جديده فيه تخليه احسن
    وبعدين مين فينا مش بيحب النهايات السعيده ؟ :)

    ReplyDelete
    Replies
    1. أنا بتقبله دلوقتى .. بس بحب الدلع بتاعه فعلا :)
      مش عارفة .. بس فيه ناس بيحسوها سخيفة أو مبالغ فيها!
      لكن أنا بحبها دايما و أبدا :)

      ربنا يخليكِ يا دينا :)

      Delete
  7. رائعة كالعادة أحسدك دائماً على العفوية فى الكلام و القدرة على السرد , دمتى للإبداع :)

    ReplyDelete
    Replies
    1. شكراً يا محب ..
      قدرتى على السرد دى للأسفى فى الكتابة فقط
      و مش فى كل الأوقات كمان!

      :)

      Delete
  8. عاجبانى اووى تصقى ! :))
    انا اسفة انى مش جيت هنا من كتير شكل حاجات كتيرة اووى فاتتنى :)))

    بس هأعوض :)

    ReplyDelete
  9. "إيه وجه التشتيت في أني أعمل اللي بحبه؟"
    معااك حق ولله انا نفسي اعمل حاجات زي اني ادخل معهد للكوافير و معهد للطبخ(كل انواعه و معهد ليستيتيك
    و ان شااءالله قريبا بحقق هدف طول عمري بتمناه الي هو معهد الليستيتيك >>لو قريتي الرد ادعيلي الله يسهلي
    عجبتني جدا شخصيتك و زي ما قال مصطفى سيف الدين
    "أجمل ما في التدوينة أنها تعبر عنكِ"

    ReplyDelete