رمضان كريم .. رمضان رائع .. رمضان ملئ بالتقوى و الايمان و الروحانية ..
أخيرا , لاحظت أنى أنتظر رمضان من السنة للسنة , و أصبح فى رمضان تلك الفتاة التى أريد , التى أعجب كيف لا أكونها دائما فى مختلف الاوقات لما رمضان فقط ؟ أعتقد انى سأبذل جهدى لأبقى كما انا بعد رمضان .. ربما الجو الرمضانى يطغى على فيجبرنى على تغيير كل ما أكره ..
وحشنى الفانوس , الفوانيس الحقيقية مش كرومبو و الكلام ده .. وحشنى السحور و الفطار .. وحشنى الخشاف و القطايف و الكنافة .. وحشتنى لمة العيلة فى الشهر ده .. وحشنى مواظبتى على قراءة القرآن فى الشهر ده و محاولتى المستميتة لكى لا أفوت صلاة واحدة الحمدلله .. وحشتنى أغانى رمضان و المسحراتى اللى استندل و مبقاش بيعدى على طوول .. وحشنى الجو الرمضانى ده =)
و كنت مستنياه بالذات المرة دى .. أكيد رمضان طعمه مختلف بعد الثورة , لمعلوماتكم هناك إفطار فى ميدان التحرير يوم 5 أغسطس ^^
إن شاء الله تدويناتى اليومية فى رمضان هتبقى رمضانية , و هسيبكم تكتشفوها يوم بيوم ان شاء الله =)
أتمنى لكم صوما مقبولا و افطارا شهيا و شهرا رائعا بحق !!
رمضـــان كــريم و كل عام و أنت بخير , تقبل الله منا و منكم ^_^
الله أكرم حبيبتي
ReplyDeleteو كل عام أنتي طيبة و بخير و صحة و سعادة =) =)
و ان شاء الله تبقي أحسن و أحسن
تدويناتي مش هتبقى رمضانية أوي زيك
بس مستنية أشوف تدويناتك بفارغ الصبر
Go On ^o^
أنتظرك عزيزتي يوميًا ان شاء الله =)
و انتى بألف خير حبيبتى =)
ReplyDeleteو يا رب يتعاد عليكى رمضان بكل الخيرو السعادة أمين
أنا قلت أخليها يوميا رمضانية عشان أغير و يبقى الشهر كله كده
بس منتظرة طبعا تدويناتك بفارغ الصبر يوميا طبعا
:D
كل سنه وانتى طيبه يا رودى
ReplyDeleteوينعاد عليكى بالخير يااارب
فى انتظار تدويناتك
وربنا يتقبل منك صالح الاعمال ان شاء الله
رمضان كريم :))
و انتى طيبة حبيبتى و ان شاء اله يعاد عليكى بالخير يارب
ReplyDeleteو انا كمان منتظرة تدويناتك يا دينا أكيد <3<3
ربنا يتقبل منا جميعا ان شاء الله
الله أكرم .. و رمضان كريم =)
الله اكرم بس الظاهر ان كلنا بنستنى الشهر ده عشان نكون الجزء الحلو مننا
ReplyDeleteفعلا رمضان مختلف السنة دي جاي جميل اوي من اول يوم
ReplyDeleteكل سنة وانتم طيبين كلكم
عمر .. كل عام و أنت بخير
ReplyDeleteو يبدو كده فعلا .. شهر رائع
=)
سامية .. كل سنة و أتى طيبة و رمضان كريم يا رب
ReplyDeleteو أنا فرحانة فعلا برمضان السنة دى
أنا كمان مبحبش أشوف غير الفانوس التقليدي , دلوقتي بقي فيه حاجات عجيبة
ReplyDeleteكل سنة وإنتي طيبة
أيووون .. نفسى الفانوس الحقيقى بتاع زمان ده يرجع ينتشر تانى بقى
ReplyDeleteو أنت بألف خير و رمضان كريم =)