بالنسبة لمحاكمة مبارك بقى , سبحان الله يعز من يشاء و يذل من يشاء !!
كفاية عليا وقفته (أو قعاده مش هتفرق كتير) جوا القفص .. دى عندى بالدنيا كلها و الله
و حبيت الدنيا اللى كانت مهيصة على تويتر و الله .. من أحلى الحاجات اللى شفتها وقتها ,
(أقوال لن تنسى .. جمال عبد الناصر و السادات جايبلنهم جمل أحلى من بعض , و مبارك جايبنله : موجود يا فندم) !!
بغض النظر .. ان المحاميين اللى مش عارفة جايبيهم منين دوول , عيب أووى يتقال عليهم محاميين أصلا , واحد ماسك فى الميكروفون , و يقولى فيه ألف و شوية شاهد هنجيبهم !
أو ابنه اللى جاى ماسكلى مصحف !! و شعاره هو و أبوه : ننكرها يا فندم
أو مبارك نفسه اللى شعره أسود من شعر ابنه .. ألا صحيح هم فى المستشفى من ضمن العلاج .. صبغ الشعر ؟
و لا العادلى اللى نظراته كلها استهزاء ..
و بغض النظر أنه اتنقل لمستشفى من أحسن مستشفيات مصر ..
بس مبسوطة أنه بيتحاكم , ياريت بس يكملوها على خير و مياخدش براءة , لأنى كده حرام يفطروا مصر كلها , رمضان بحاله !!
........
نقلب بقى على موضوع رمضانى شوية =)
يوم فى حياة صايم
هل تعلم ان لك فى رمضان 60 دعوه مستجابه .. !!
يعنى 60 مشكله من مشاكل حياتك يمكن ان تحل .. !!
يعنى 60 حلم من احلام حياتك ممكن ان تحقق .. !!
( و لكل مسلم فى كل يوم و ليله دعوه مستجابه ) صححه الالبانى
طبعا كل واحد دلوقتى فكر .. ياااه أنا هدعى لنفسى أجيب امتياز و هدعى أعمل كذا و كذا ..
لكن مفيش مانع لو خصصت دعوة من دوول , للمساكين اللى محتاجين دعوتك , فكر فى حد ممكن مش لاقى يفطر , فكر فى حد حالته متسمحلوش أنه يتعلم .. خصص دعوة كل كام يوم , مش هقولك كل يوم .. للى مش لاقى يتعلم أو ياكل , فكر فى مساكين الصومال , أو أقرب فكر فى المساكين اللى هنا فى مصر .. هم أولى بالدعاء.
……..
تانى حاجة أحب أهنى أصدقائى الأعزاء و المدونين اللى بحب تدويناتهم , اللى مشاركاتهم دخلت كتاب المئة تدوينة =)
رحاب الخضرى .. صاحبة مدونة (فتافيت ربع قرن)
آية محمد .. صاحبة مدونة (شئ سيبقى بيننا)
مصطفى سيف .. صاحب مدونة (طير الرماد)
سارة جمعة .. صاحبة مدونة (فى السكة)
آية الملوانى .. صاحبة مدونة (أية الملوانى)
شيرين سامى .. صاحبة مدونة (حدوتة مصرية)
سارة حسين .. صاحبة مدونة (قلم سارة)
شيماء حسن .. صاحبة مدونة (علامات)
مصطفى فوزى .. صاحب مدونة (باش كاتب)
وجع البنفسج .. صاحبة مدونة (قلم و دفتر)
باسنت خطاب .. صاحبة مدونة (برة الكادر)
سارة مصطفى .. صاحبة مدونة (مروا فى صباها)
ياريت مكونش نسيت حد و مبرووووووووووك لباقى المدونين , و مبروك ليكو أووووى أوووى أوووى بجد تستاهلوا ..
.......
الله يبارك فيك و مبروك علينا
ReplyDeleteيارب نهايتها ان شاء الله تكون ما يستحقه بجد !!
معاك حق .. و زيارتك نورتنى كتير
و شرفنى رأيك =)
المهم أن المدونة عجتك
ان شاء الله ده هيشرفنى طبعا =)
ReplyDeleteمبروك لمصر وعقبال ما تكمل برد الإعتبار ليها بعد إهانة سنين طويلة
ReplyDeleteمتشكر إنك ذكرتيني :)
رمضان كريم
إن شاء الله أمييين يا رب
ReplyDeleteالعفو .. على ايه , مدونتك من المدونات اللى دايما بحب أتابعها و أقراها
الله أكرم =) و كل سنة و أنت طيب
الحمدالله و ربنا يسهل وتكمل على خير
ReplyDeleteربنا يتقبل دعائنا اللهم آمين
والف مبروك لكل الناس اللى كسبت وبالتوفيق يارب :))
آميييين يا رب =)
ReplyDeleteتسلمى يا جميل على مرورك =)
مبارك نفسه اللى شعره أسود من شعر ابنه .. ألا صحيح هم فى المستشفى من ضمن العلاج .. صبغ الشعر ؟
ReplyDeleteعندك حق يارضوي
ده أول سؤال خطر علي بالي أول ماشوفت المحاكمه
جميله قوي أفكارك في المحتاجين حتي لو بالدعاء
دمتي رائعه صديقتي
مبرررررررررررررررك للمدونين
أنا مش استغربت بس أنا اتعصبت و حصلتلى حاجات كتيرة
ReplyDeleteهما فاكرينا هبل تقريبا !!
ربنا يخليكى يا جميلة و دى أقل حاجة ليهم لو مش هنقدر نساعدهم فعليا
يبقى ندعيلهم حتى و ان شاء الله ربنا يتقبل دعائنا ليهم
الله يبارك فيكى و تسلمى يا جميلة على مرورك
منورانى دايما
هدي أعصابك يا روودي دا انتي كدا هتروحي مني قبل ما المحاكمة تخلص :D
ReplyDeleteهو مش هياخد براءة بس ممكن ما ياخدش إعدام و دا اللي مخوفنا !!
بالنسبة بقه لرمضان :)
أول مرة أعرف المعلومة بتاعت الـ60 دعوة دي ...أوكازيون بقه أروح ألحق :D
الله يبارك فيكي يا روودي ،، تهنئتكِ تعني لي الكثيييييير T^T
و عقبالك ان شاء الله
هههههههههههه اه و الله يا سارة بحاول أتماسك لا أروح قبل ما هو يروح كده !
ReplyDeleteلابجد أقل حاجة الاعدام .. أقل حاجة عشان كل اللى ماتوا و اللى مش لاقيين يتعالجوا دلوقتى !
ربع لعلاج اللى هو قال يعنى بيتعالجه
أنا برضة كنت لسة عارفة موضوع الـ60 دعوة دول
و فرحت أووى بق :D
الف الف مبروووك ليكى يا جميلة و فرحتلك أوووى و الله يا سووو
ربنا يخليكى يا جميل