Tuesday, February 5, 2013

الدليفري إختراع يا كوتش.



-القادر على قتل كلب ببرود، يستطيع أن يقتل إنساناً و كأنه يتلو صلاة.
جملة قرأتها في رواية "لكل طريقته" للروائي الإيطالي ليوناردو شاشا، و أول حاجة جت في دماغي كانت "الله عليك يا أستاذ غسان"، اللي بيحصل عندنا العكس بس برضة أنت شطور.عندنا في مصر العزيزة، الناس بتموت بأي طريقة و في أي وقت.

في المستشفي، على الطريق، في بيتها، في الشارع، في قسم الشرطة (طبيعي يعني، هو مش طبيعي أوي بس طبيعي في مصر) المهم، أنه في أي مكان تتمناه، المواطن المصري بيودع.

وبهذه المناسبة أحب أعدل الجملة دي و أضيف "التاتش" بتاعي:
-القادر على قتل إنسان في مصر ببرود، قادر على فعل أي شئ.
....

الدليفري ده إختراع جميل و خاصة لو مكان جميل و بيتوصى بالأكل و بيجيبلك الأكل اللي أنت عايزه حتى لو أنت حافظه عن ظهر قلب. أنا بحب الإختراع ده جداً، أينعم أنت ممكن تعملها في البيت و تطلع أحلى، لكن الوقت اللي بتستهلكه مريع، و كمان افرض نفسك في حاجة و لقيت أن مكوناتها مش عندك، إيه الأسهل؟ تطلبها دليفري  ولا تنزل تشتريها و بعدي ترجع البيت تعملها؟ الدليفري إختراع يا كوتش.

-بتعملي إيه يا رضوى؟
-بطلب دليفري!

على غرار إعلان "بتعمل إيه يا مراد؟ بخترع" اللي أنا شخصياً بعشقه  ومعتبراه من إفيهات العام، اللي بينازع إفيه "هاتولي راجل" في المكانة الأولى بقلبي و يليهم إفيه "أنا بهير و إنبهرت".
....

تدوينة غريبة و مريبة أنا عارفة، لكن الجوع يعمل اكتر من كده. وأقول لعمو اللي جاي بالأكل، أنت فين؟ مجيتش ليه يا منيل؟
...

11 comments:

  1. الجوع كافر يا سيدتي بس نعمل ايه القصاصة جميلة و ع السريع كده :D

    ReplyDelete
    Replies
    1. الجوع كافر! :D
      ميرسي ميرسي :)

      Delete
  2. يا ترى وصل بتاع الديلفيري ولا اتاخر . تسلم ايدك حاجة دمها خفيف
    وفعلاً
    القادر على قتل إنسان في مصر ببرود، قادر على فعل أي شئ

    ReplyDelete
    Replies
    1. وصل الحمدلله و كلنا و اتبسطنا :)
      ربنا يخليك .. سعيدة انها عجبتك

      Delete
  3. ههههههههههههه الجو كافر بس جميله جدا التدوينه

    ReplyDelete
  4. ههههههههههه
    جميلة يا رضوي بجد
    سعيدة اني شوفتك متنسيش تبعتي صورتي معاك عشان انا هحتفظ بيها للأبد
    كفاية انها معاك يا قمرة

    ReplyDelete
    Replies
    1. أنا أسعد يا رحاب بجد :) و مبسوطة اني شفتك و ان شاء الله تتكرر تاني
      انا كمان هفضل محتفظة بيها بد .. هبعتهالك النهاردة يا جميلة :)

      Delete
  5. موضوع جميل جدااااااااااااا

    ReplyDelete