Thursday, August 4, 2011

فينك يا رمضان ؟


جو رمضانى ..

أنا للأسف حاليا رغم أنى حاسة بعظمة رمضان , بس بحس أن الناس بتستناه عشان المسلسلات و العزومات مش أكتر ..

الزينة , الأطفال بطلوا يعلقوها , أقصى حاجة هى البمب و االصواريخ اللى بيفرقعوه ..

الفوانيس بقت غير خالص و مش حلوة زى الاول ..

الناس وشها مش بشوش فى رمضان زى الاول و دايما بيربطوا بين رمضان و الخلق الضيق و الخناقات لسبب انا أجهله ..

لمة العيلة و العادات فى الشهر ده إختلفت ..

حتى المسحراتى نفسه معدش بييجى !!

أنا بحاول أتمسك برمضان اللى أنا عارفاه من زمان .. لكن الناس بتصر تغيره !!

ياترى أنت رمضانكم دلوقتى إختلف عن رمضانكم قبل كده ؟

و إختلف أزاى ؟

....

دعاء اليوم :

"اَللّهُمَّ قَوِّني فيهِ عَلى اِقامَةِ اَمرِكَ ، وَ اَذِقني فيهِ حَلاوَةِ ذِكْرِكَ ، وَ اَوْزِعْني فيهِ لِأداءِ شُكْرِكَ بِكَرَمِكَ ، وَاحْفَظْني فيهِ بِحِفظِكَ و َسَتْرِكَ يا اَبصَرَ النّاظِرينَ"

6 comments:

  1. و الله يا روودي رمضان اختلف كتير
    بس لسه المسحراتي بيجي :Dو إن كان شكله يدي على بلطجي أكتر بس بيتوب في رمضان و بيشتغل مسحراتي XD
    أما الفوانيس ففعلا اتغيرت و ماعدتش في ناس بتعلق فوانيس كتير
    احتمال لأن بقت البيوت عمارات و المسافات أكبر و المجهود أكبر ! و كمان الناس ماعدتش بتتعاون زي زمان =(
    يا ريت رمضان يرجع جميل زي زمان
    ان شاء الله يرجع =)

    حلوو أوي التدوينة
    في انتظار القادم يا روودي ^.^

    ReplyDelete
  2. فعلاً رضوي

    عندك حق .. الناس مصره تغيره

    لو هنعيب ع الزمن .. العيب فينا
    عادات رمضان زمان .. كانت من صنع جيل الأباء

    الدور علينا بقي .. بادينا نحافظ ع العادات الحلوه
    ونخلي ولادنا يحافظوا عليها

    ReplyDelete
  3. أيووووة و الله يا سارة ..
    أنا بقى مبقيتش أشوف مسحرتى .. بلطجى أو غيره :D
    و لا الفوانيس و لا الزينة كمان و التعاون ده مش معادش زى زمان ... ده انقرض تماما
    معدتش بشوفه بجد !!
    فسى و الله جو اللمة ده يرجع تانى .. كنت بحس برمضان أووى فيه

    ربنا يخليكى يا سوو و مبسوطة أنها عجبتك =)

    ReplyDelete
  4. بالظبط يا هبة ..
    عشان كده أنا فعلا بحاول أحافظ على عادات رمضان بتاعة زمان دى بجد
    و ان شاء الله بجد يرجع زى زمان و أحسن
    ميرسى لمرورك يا جميلة =)

    ReplyDelete
  5. انا بردو يا رضوى ده دايما الاحساس اللى مسيطر عليا للاسف :(
    كل الحاجات الجميه اللى كنا بنعملها زمان مش بقينا نعملها
    كل حاجه كانت بتحصل من حوالينا بطلت تحصل
    ده عشان الزمن بيتغير فا طبيعى كل حاجه تتغير معاه
    والناس كمان مش بتحاول تحافظ على العادات والمواقف الجميله بتاعه زمان

    جميله اوى التدوينه يا رضوى :)

    ReplyDelete
  6. للأسف و الله يا دينا
    كل الحاجات بتاعت زمان حتى اللى مكناش بنعملها
    اللى كنا بنشوف الناس بتعملها معادتش بتحصل بللأسف فعلا !!
    ربنا يخليكى يا دينا .. أنتى أجمل =)

    ReplyDelete