Saturday, August 6, 2011

ثــورة ولاد الـــ"....."- أعصابى !!



#ThawertWeladElKalb

ده هاشتاج جديد نازل على التويتر و حزروا فزروا عن ايه؟

أيووون الاسرائيلين عاملين ثورة و يطالبوا فيها بالعدالة الاجتماعية "رغم انى مش شايفة أنهى عدالة اجتماعية دى اللى محرومين منها" بس ما علينا ..

طبعا على تويتر الناس مرحمتهمش .. و بدأت تقارن بينهم و بين ثورتنا اللى واضح انهم قلدونا فيها بدليل أنهم كانوا رافعين شعارات "Walk like An Egyptian"

هم تقريبا مش فاهمين أن الثورة كانت ضدهم بشكل كبير , بس ما علينا برضة ..

أسيبكم مع التويتات اللى الناس قالتها:-

....

جيش الدفاع الاسرائيلى : احنا لم ولن نطلق النار على مواطن اسرائيلى .. احنا بنرمى قنابل فسفور على غزة بس

بلطجية تل أبيب يستعدون لموقعة الهبل

انا عرفت مبارك جاب التناحة دي كلها منين.. من قعدته مع الاسرائيليين

نتنيااهو راح يتعالج فى تبوك ولا اية

هم صدقوا نفسهم؟ صدقوا نفسهم وبيتصرفوا على انها بلدهم؟ امال احنا كنا بنعمل الثورات دي كلها ليه؟

ולנו חאלד שמח كلنا خالد مبسوط  كلنا خالد شمعون

مطرب الجير ليفي يتعرض للضرب المبرح و الطرد في ميدان تل أبيب و المتظاهرين يهتفون : سلمية سلمية

سي دي لمرتخى مهزوم بيحرض على موقعة الحلاليف ، ومرتخى بيقول انا شعبيتي جارفة وهرشح نفسي

نوارة كوهين: مش حنمشي الا لما يقول انا حرقتكم

كوهين بتاع غمرة

حد معاه تردد الجزيرة مباشر اسرائيل ؟

ليفني تنفي مسئوليتها عن موقعة الخنازير و بتعرض على المتظاهرين بونبوني

قولوا لخالتي ما تزعليش، وحياتي عندك ما تفقعنيش، قولوا لها معلش يا خالتي، احرق عيال والمستوطنة تعيش

رئيس الأركان الإسرائيلي: احنا جاتلنا أوامر نرش على المتظاهرين مية لفت ... بس احنا قولنا نو

اغنية الثورة الاسرائيلية: يا حرامي يا حرامي.. انا باحبك يا حرامي.. يا حرامي يا حرامي.. انا باحبك يا حرامي

نتنياهو انا سرقت و اتسرقت مش انت الي هتعلمني الصهيونيه

الحاخامت ينزلون فى مليونية " سبت الشريعة أولاً " .. ويهتفون يهودية يهودية .. والشعب يريد تطبيق التوراة

المفروض الهتاف بقى: مش حيسرق.. احنا نسرق

أنباء عن قطع شبكة المجاري في تل أبيب والشعب الأسرائيلي ينزل للشوارع لشراء بامبرز

بيطالبوا بالتوزيع العادل للعيال المحروقة والمشوية

والمظاهرات دي مصر هي السبب فيها فعلا، عشان لما الغاز اتقطع عنهم الاسعار غليت، عشان اصل احنا المفروض نصرف عليهم

اللواء الروينيوخ يقول .:هناك عناصر تم تدريبها في منيا البصل بمصر على زغزغة امن اسرائيل والثوار يتهمونه بالهطل

اللواء الروينيوخ يقول .:هناك عناصر تم تدريبها في منيا البصل بمصر على زغزغة امن اسرائيل والثوار يتهمونه بالهطل

اتصال تامرنياهو من غمركياريا : اللي موجودين في ميدان تل ابيب دلوقتي بيتكلموا اربيك لانجودج كويس

متعبناش متعبناش المجازر مش ببلاش

تنتياهو ده صاحب اول خبطة على دماغه فى حرب اكتوبر المجيدة

المتظاهرون لنتنياهو: ما بيفهمش عبري.. كلموه بالعربي.. ارخل يعني امشي

اطلاق صفحة جديدة على الفيس بوك : احنا اسفين يا منتن

الجندي جلعاد شاليت يعلنها مدوية من غزة، انشقاقه عن ولاد الكلب وانضمامه لصفوف الثوار الأخرار

نزّل راسك تحت انت إسرائيلي

نتنياهو: انا حرقت عيال صغيرة و اتحرقت

المتظاهرون الاسرائيليون بيتنططوا على المفاعل النووي وبيقولوا: الجيش والمستوطنين ولاد وسخة

القبض على مظتاهرين لابسين حظاظة السلفيين

العثور على قنابل غاز مكتوب عليها صنع فى مصر

و علق الناشط الاسرائيلى عن احداث تفجيرات المعبد اليهودى:-محدش يعملها غير العادلى..دة تخصص دور عبادة

نتنياهو: وأنه ليحز في نفسي ما ألاقيه من أبناء خالتي

الممثل الاسرائيلي ايغال ناعور: شفت بعيني ناس بتوزع 5 جنيه مصري وباكو شمعدان على كل متظاهر اسرائيلي قبل مايدخل الميدان

مظاهرات اسرائيل هى مؤامرة اسرائيلية يحركها الموساد الاسرائيلى لأن اسرائيل مستهدفة من اسرائيل

ميدان تل ابيب| وجبات فول وطعمية للمتظاهرين 

الثورة بتاعتنا ألهمت حتى أعدائنا.. وإحنا هنا لسه بنحاول نقنع الناس أنها متكفرش بيها 

جلعاد ظبايدر: اللى عمل صفحة وئيل غنوم عميل

الثورة بتاعتنا ألهمت حتى أعدائنا.. وإحنا هنا لسه بنحاول نقنع الناس أنها متكفرش بيها

....

أنا معنديش تعليق , مش عارفة عايزين إيه من الحكومة أتر من انهم سارقين بلد بحالها

 

 

 

8 comments:

  1. امريكا بتستهبل يا فوزية :D

    ReplyDelete
  2. ههههههههههههههههههههه أمريكا قلبت على قلة أدب مش استهبال بس !

    ReplyDelete
  3. حتى هما :D

    بس فى شويه تويتات مشكله بجد
    عاجبنى اوى

    ReplyDelete
  4. أيووووون وصلتلهم كمااان !! :D

    أنا كل التويتات عاجباى أووى الصراحة
    ناس مشكلة بجد !!

    ReplyDelete
  5. دول ولاد تييييييييييييييييييييييييييت
    اللهم اني صايمة

    ReplyDelete
  6. ههههههههههههههههههه متعصبيش نفسك عليهم !!
    هم ولاد تيييييييت و أكتر بكتييير !!

    ReplyDelete
  7. للأسف فعلاً يا روودي المصريين لسه مش مصدقين إنهم عملوا ثورة أبهرت العالم :(
    تقريبًا الحالة اللي احنا فيها من زمان ولدت عند
    الناس نوع من عدم التصديق في قدرتهم على إنجاز شيء جديد و مبهر !!


    الهاشتاج دا مسخرة و أنا أفتخر إني كنت أحد المشاركين فيه :D LOL

    ^^
    يلا بقه ،، ما تحرميناش أبدًا من تدويناتك الحلوة دي

    ReplyDelete
  8. بالظبط كده يا سوو و الله !!
    لدرجة أنهم بيتبروا من الثورة و بيحاولاو يشوهوها
    و مش فاهمين أن دى أعظم حاجة عملوها . و ان الناس كلها بتحاول تعمل نص اللى عملناه

    أنا للأسف مشاركتش فى الهاشتاج
    بس تابعته بعدين بقى .. بس مسخرة بجد :D:D

    ميرسى يا جميلة و متحرمنيش أبدا من ردودك الحلوة دى =)

    ReplyDelete