Thursday, August 11, 2011

مِــش عَـايزةَ أكــبَر .. هـَـا !!


بينما أنا أفكر فى موضوعى لليوم , صادفتنى صفحة أخرى على الفيس بوك عن الكرتون و أيام زمان , و بحركة لا ارادية "دوست لايك" لا أدرى لماذا ؟ ربما رغبة منى فى استرجاع أيام الطفولة أو أن أثبت لنفسى أنى مازلت ذات الشخصية التى كنتها قبلا .. لا يهم

دخلت الصفحة , وجدت فيديوهات عادت بى سنين الى الوراء و صور و شخصيات كنت منذ 10 سنين أعتبرها حقيقة أكثر من أخى الذى كان يشاهدها معى .. أقلد طريقة كلامهم , انتظر ميعاد الحلقة كما لو أنى أنتظر زيارة صديق .. مررت بمراحل عدة , مرحلة الكرتون المدبلج على القنوات المختلفة , و مرحلة سبيس تون التى احتلت تلك المرحلة بجدارة , ثم مرحلة MBC3 و باقى القنوات الجديدة , ثم مرحلة البحث عن الكرتون على الانترنت و مشاهدته من دون دبلجة , بعد ان اكتشفت أن كل كرتون شاهدته على مدار حياتى تم تحريف قصته , و مازلت حتى الأن أجهل كيف قام مدبلجوا "أنا و أختى" و الذى اسمه الحقيقى بالمناسبة "Mama is a 4th Grader" بتحوير القصة من كون الفتاة قادمة من المستقبل الى كونها مخلوقة فضائية .. هل اقناع الاطفال بالمخلوقات الفضائية أسهل من اقناعهم بالمستقبل ؟ ما علينا ..

و بدأت أبحث فى كل كرتون شاهدته و عرفت طبعا بجانب ان الأسماء مختلفة تماما , القصة متغيرة و حذف المشاهد الذى أعذرهم عليه أحيانا بما أنها قناة أطفال , رغم كونها قناة أطفال لا يتناسب مع "الشات بار" الذى قاموا باضافته فى السنين الأخيرة.

المهم , انا كنت بتكلم عن ذكرياتى السعيدة مع الكرتون :) .. أبطال الديجيتال , بوكيمون , ريمى , سالى , أنا و أخى , دراغون بول , رشا رزق :D , و غيرها من الذكريات السعيدة . لم يكن شئ يهمنى فى العالم بقدر , أن أشاهد اعادة حلقتى المفضلة فى أخر النهار .. مشكلتى الوحيدة كانت أن يفوتنى مسلسلى المفضل فى أخر حلقة له , حتى و ان كانت المرة العاشرة التى أشاهده فيها.

لاحظت الان كم أشتاق حقا لتلك الأيام .. أنا مازلت أستطيع مشاهدة كل تلك المسلسلات و لكن لم يعد بوسعى الاستمتاع بها كما فى السابق , ربما لأن كل من حولى يسعون جاهدين لقتل بقايا الطفلة التى بداخلى و يقللون من قدر تلك الأشياء بقولهم "مش هتكبرى بقى!"

لم أفهم حتى الأن ما علاقة كونى كبيرة و مشاهدة الكرتون!

9 comments:

  1. أبطال الديجيتال , بوكيمون ؟؟
    دي ذكرياتك ؟
    دي كانت لسه أول إمبارح :))

    الله يرحم مازنجر وجرندايزر وسلاحف النينجا وماوكلي وباور رنجرز :)

    تحياتي . .

    ReplyDelete
  2. ههههههههههههههههه أنا كنت بشوف دوول برضة ,
    بس أبطال الديجيتال وو بوكيمون و الحاجات دول اللى علقوا معايا
    نورتنى بمرورك :)

    ReplyDelete
  3. فيه الخير فاو فكرنى بمازنجر والباور رينجرز وسلاحف النينجا وباباى مع انى مش بحبه ام المدبلج مبطيقوش لا كرتون ولا مسلسلات عادية
    ولا بكار من آخر سنة اتذاع فيها بكار بطلت اتفرج على التلفزيون فى رمضان اطلاقا
    ولسة لدلوقتى بتفرج على mbc3 بس توم وجيرى بس

    ReplyDelete
  4. بالمناسبة الموسيقى دى حلوة قوى لعمر خيرت مش كدة

    اسمها ايه

    ReplyDelete
  5. أنا كمانمش بحب الدبلجة , و بالذات فى المسلسلات
    يعنى كنت بستحملها فى الكرتون بقى ..
    لا بكار الصراحة محبيتوش و متابعتوش اطلاقا .. معرفش ليه
    توم و جيرى يستاهل الصراحة .. من أحلى الكرتونات لحد دلوقتى =)

    تقصد الموسيقى اللى شغالة على المدونة؟
    لو قصد اول واحدة بتشتغل خالص .. لا هى مش لعمر خيرت
    هى موسيقى فيلم هارى بوتر ..
    بس انا فعلا حاطة موسيقى لعمر خيرت على الليست بتاعت الآغانى
    فممكن تكون تقصدها :)

    نورت المدونة بزيارتك =)

    ReplyDelete
  6. T^T
    ذكريااااااااااااااات
    بجد بجد دول كانوا أكتر من إخواااااااااااتي وااااااااااء
    كل الناس بتحاول تقتل الطفولة اللي جوانا للأسف :(
    صراع هو مع الزمن

    تسلم ايدك ع التدوينة الجميلة دي :)

    ReplyDelete
  7. و أنا كماااااااااااااااااان بجد !!
    عشان كده بنحس اننا بنخسر كل الحاجات الحلوووة

    ميرسى يا جميلة =)

    ReplyDelete
  8. رضوى انا بجد مدمنة كارتون

    بحبه جداااا

    بحب المسلسلات لولا ان الوقت مبقاش مقضى وبحب الافلام المدبلجة مصرى جدااا

    يمكن بتاعل مع الكارتون وبعيط وبضحك اكتر من الافلام العربى بتاعة الوقت ده
    <>

    بقالى كتير مكنتش زرت البلوج عندك وادتينى حماس كدة لحاجات كتير حتى مشروع الرسم حمستينى ليه :))

    وانى اتكلم عن كتاب كمان ده عجبنى اوى

    لايك لافكارك بقى <3<3

    ReplyDelete
  9. و انا كمان جدااااا
    أنا بتفاعل مع الكرتون و أخر حلقة بعيط فيها أنه هيخلص
    كنت برتبط عاطفيا بشخصيات الكرتون بطريقة فظيعة بجد !!!
    بس فعلا الوقت مشكلة .. الدبلجة المصرى بتبقى عسل أووى بجد
    و بالذات فى تيمون و بومبا .. الوالدان السحريان و كده بقى :D

    نورتى المدونة و الله
    و هستنى رسوماتك و رأيك فى الكتب بقى =)

    ميرسى يا جميلة <3<3
    بعض مما عندكم بقى :D

    ReplyDelete