Sunday, August 14, 2011

أحـداث و رمضـان


تقريبا نصف رمضان عدى .. أخباركم ايه فى الصيام و التقرب من الله فى الشهر ده ؟

أتمنى أن يكون رمضان كريم عليكم الأيام دى ..

موضوعى انهاردة عن أهم الأحداث التى حدثت فى رمضان , و قد تكون معروفة من قبل , و لكنى معظمها لم أكن أعرفه فحبيت أشارككم به ..

** عام 13 قبل الهجرة: ليلة القدر و هى الليلة التى تزل فيها القرآن و هى فى العشر الأواخر من رمضان , و فى هذا اليوم أيضا أسلمن "خديجة بنت خويلد" فكانت أول من أسلم !

** عام 1 هجرية: سرية حمزة و كان اول لواء يعقده الرسول (صلى الله عليه و سلم)  قد اعترضوا أبى جهل و 300 راكب أخرين على البحر قد كاوا فى طريقهم إلى مكة.

** عام 2 هجرية: غزوة بدر الكبرى و قد سيمت بيوم الفرقان , فى هذا العام فرض الجهاد و زكاة الفطر , و شرعت صلاة العيد , و وفاة "رقية" بنت الرسول إثر مرض أصابها فى رمضان.

**عام 3 هجرية: مولد "الحسن بن على" فى 15 رمضان.

** عام 4 هجرية: زواج الرسول (صلى الله عليه و سلم) بزينب بنت خزيمة

** عام 5 هجرية: غزوة بنى المصطلق

** عام 6 هجرية: سرية أبى بكر أو زيد بن حارثة إلى وادى القرى

** عام 8 هجرية : فتح مكة فى 20 رمضان و سمى بفتح الفتوح , حيث دخل الناس على إثره أفواجا إلى الاسلام منه إسلام بن أبى سفيان , و كان فيه الأمر بهدم الأصنام حول الكعبة

** عام 9 هجرية: قدوم رسول ملك "حمير" إلى الرسول , و إسلام بنى ثقيف.

** عام 40 هجرية: إستشهاد الامام على بن أبى طالب , رابع الخلفاء الراشدين على يد عبد الرحمن بن ملجم الحميرى.

** عام 58 هجرية: وفاة زوجة الرسول "عائـشة"

** عام 92 هجرية: فتح الأندلـس

** عام 114 هجرية: موقعة بلاط الشهداء فى 1 رمضان , فى عهد الخليفة الأموى هشام بن عبد الملك , و كانت المعركة فى سهول فرنسا محاولة لنشر الاسلام فيها , و كان قائد المسلمين عبد الرحمن الغافقى , و قد خسر المسلمين فيها , و سميت هكذا لكثرة قتلى المسلمين فيها.

** عام 218 هجرية: دخول المعتصم بالله بغداد , بعد توليه الخلافة

** عام 222 هجرية: فتح مدينة بابك بخرسان فى خلافة المعتصم

** عام 223 هجرية: فتح عمورية فى 6 رمضان , وقعت المعركة بين المسلمين بقيادة المعتصم و الروم  , بعد ان استنجدت امرأة بالمعتصم قائلة "وامعتصماه" . فعرف المعتصم بذلك فجهز جيشا و فتح عمورية.

** عام 479 هجرية: معركة الزلاقة فى الأندلس انتصر فيها ملك اشبيلية المعتمد بن عباد على الأسبان

** عام 559 هجرية : موقعة حارم فى 9 رمضان , انتصر نور الدين زنكى على الصليبين و استعاد مدينة حارم بالشام.

** عام 570 هجرية: فتح بعلبك فى الشام فى 14 رمضان , فقد فتح القائد صلاح الدين الأيوبى العديد من المدن بالشام من ضمنها بعلبك .

** عام 584 هجرية: استعادة كرك و الصفد من أيدى الصليبين

** عام 587 هجرية: أخذ الفرنج مدينة عكا.

** عام 654 هجرية: حريق كبير حدث فى مدينة مسجد الرسول (صلى الله عليه و سلم) و هى إحدى علامات القيامة الصغرى

** عام 658 هجرية: معركة عين جالوت فى 24 رمضان ,انتصر فيها المسلمون بقيادة السلطان قطز , على المغول بقيادة هولاكو.

** عام 663 هجرية: انتصار مسلمين المغرب على الصليبين

** عام 666 هجرية: إستعاد السلطان الملك الظاهر بيبرس مدينة أنطاكية من الصليبين

** عام1393 هجرية: حرب أكتوبر أو العاشر من رمضان , انتصر فيها المصريون و السوريون على الاسرائيلين فى كلا من سيناء و الجولان .

...

أتمنى تكونو استفدتوا من المعلومات دى =)

6 comments:

  1. ازيك يارضوى :)
    يارب تكونى بخير
    تسلم ايدك على المعلومات دى
    انا اول مره اعرفها

    معلش انى مش كنت متابعاكى فى الكام بوست اللى فاتوا
    بس انا قريتهم دلوقتى

    عايزه بس اسالك
    هو فى بازل..ايه الكتابه اللى مش كانت عاجبانى
    يعنى الكاتب بيتكلم بأى لغه او بأى طريقه خليتك مش تحبى الكتاب كده؟

    فكره الرسم كل يوم دى كمان جميله اووووى
    كان نفسى اعملها معاكى بس انا ماعرفش يعنى ايه رسم اصلا :D :D
    ان شاء الله هستنى رسوماتك دايما
    لان الرسمه بتاعتك دى عاجبانى جدااااا
    حساها شبهك فعلا :)

    ReplyDelete
  2. معلومات جمبله جدا
    لازم كلنا نبقى عارفينها
    جزاكى الله خير

    ReplyDelete
  3. دينا .. أنا كتير منهم برضة مكنتش أعرفه
    أتمنى أنك تكون بخير , كنتى واحشانى و الله =)
    و مبسوطة انك رجعتى دلوقتى

    بالنسبة لكتاب بازل
    أنا بحب الفصحى و العامية العادية بتاعتنا
    لكن لغة الكتاب معجبتنيش .. ممكن لأن فيها ألفاظ مش حلوة
    و اتكررت كتير الصراحة " شتايم و الذى منه"
    و أنا بشوف أن مش لازم العمل يبقى فيه شتايم و كده عشان يوصل الفكرة
    أنتى قريتيه :) ؟؟

    أنا الصراحة عجبتنى فكرة المشروع لما شفتها
    لأنى بحب الرسم بس مش لاقية فرصة
    و حتى مش عارفة أرسم ايه
    بس و الله نفسى تشاركينى برسمة صغنتوتة كده :D :D

    ميرسى يا جميلة أنتى أحلى و الله =(
    دايما منورانى و متغيبيش كده بقى

    ReplyDelete
  4. إسلام .. أشكرك على مرورك
    و المعلومات حسيت انها مهمة و لازم كلنا نعرفها
    شكرا =)

    ReplyDelete
  5. لا للاسف مش قريت الكتاب يا رضوى
    بس عشان كده سألتك
    لانى بحب الكتابه بالعاميه جدا بس بردو مش بحب الاسلوب المبتزل فى الكتب زى الشتايم مثلا

    بصى انا هحاول فى حكايه الرسم دى
    بس مش اكيد
    انا مش رسمت من ساعه ما كنت فى 5 ابتدائى هههههههههههه
    بس بجد بحيكى على الفكره دى :)

    ReplyDelete
  6. أنا كمان بحب العامية جدا !!
    بس للأسف لغة الكتاب أقل من العامية كتير و استخدام الشتايم فيها كتير أووى

    ههههههههههههههه أنا كمان بقالى كتير مرسمتش بس الفكرة نفسها ممتعة أووى
    ربنا يخليكى يا جميلة =)

    ReplyDelete