Tuesday, August 16, 2011

أقدمـلك الثـورة !


يعنى إيه يا ثورة ؟

الثورة بمعناها الحرفى السياسى هي الخروج عن الوضع الراهن سواء إلى وضع أفضل أو اسوأ من الوضع القائم , و أول ثورة بذلك المعنى هى الثورة الفرنسية و التى عرفت الثورة على أنها قيام الشعب بقيادة نخب وطلائع من مثقفيه لتغيير نظام الحكم بالقوة , و تم تطوير هذا التعريف ليصبح هو التغيير الذي يحدثه الشعب من خلال أدواته "كالقوات المسلحة" أو من خلال شخصيات تاريخية لتحقيق طموحاته لتغيير نظام الحكم العاجز عن تلبية هذه الطموحات ولتنفيذ برنامج من المنجزات الثورية غير الاعتيادية.والمفهوم الدارج أو الشعبي للثورة هو الانتفاض ضد الحكم الظالم , و قد تكون الثورة شعبية أو عسكرية (إنقلاب) .

...

بس إحنا مالنا بالكلام ده كله .. ده كلام كبير و على الورق , بس الثورة أكبر من كده بكتير.

ثورة يعنى عدالة فى كل حاجة .. يعنى تاخد حقك من غير ما تضطر تدفع رشوة و لا "هدية للولاد" و لا تفضل تدور على واسطة و فى النهاية بتدفع برضة !

ثورة يعنى متحاولش تغير نظام غير لما تكون مقتنع أنك أنت لازم تغير كل اللى فيك وحش , و تقنع اللى حواليك .. ما أنت مش هتحس بحلاوة التغيير غير لما أنت تتغير.

ثورة يعنى تبقى مصرى أصيل , و بلدك تبقى فى عينيك !

ثورة يعنى تفكر قبل ما تتكلم , تتأكد قبل ما تنشر , و يكون ليك رأيك و سياستك , و دى مفيهاش مجاملة .

ثورة يعنى متسكتش على الظلم , لو شفته تنطق و تثور! أنت مترضاش لابنك و لا أخوك يتظلم .. ليه ترضاها لابن بلدك ؟

ثورة يعنى حياة أفضل .. خير أكتر .. تعليم أحسن .. إعلام نضيف .. حكام شرفاء .. يعنى مستوى أحسن لكل مصرى.

ثورة يعنى كل حاجة حلوة , ثورة على الأخلاق قبل ما تكون على نظام , ثورة على تفكير عقيم عشان تبنى أجيال بتفكر ..

الثورة عمرها ما كانت نتيجتها وحشة , و الثورة مش بتخلص فى يوم و ليلة و نصحى تانى يوم تبقى الحياة الجميلة , الثورة ممكن تستمر سنين , ممكن شهور .. المهم إحنا بعدها ايه ؟ لو فضلنا زى ما احنا .. استفدنا ايه ؟ اتحسننا ازاى .. اتقدمنا إزاى ؟

الثورة مش أنك تشيل الطاغية .. الثورة أنك متخلقش الطاغية !

 

*إهداء لكل ثـائر .. إهداء لكل مصاب .. إهداء لكل مواطن عادى مظلوم و بيتحاسب فى محاكمة عسكرية .. إهداء للشهداء .. إهداء لأى حد مصرى بجد**

11 comments:

  1. " ثورة يعنى تفكر قبل ما تتكلم , تتأكد قبل ما تنشر , و يكون ليك رأيك و سياستك , و دى مفيهاش مجاملة ."

    عاجبتنى اوووى الجمله دى
    عشان للاسف فى كتير مننا مش ماشين عليها دلوقتى
    كل واحد مش عارف يحدد ايه سياسته او أرائه اللى المفروض تكون طالعه من جواه
    من كتر ما كل الكلام اللى بيسمعه متناقض وكتير

    تسلم ايدك يا رضوى:))

    ReplyDelete
  2. معلش نسيت اقولك مبروك على الاستايل الجديد :))
    شكله عسول اوى

    ReplyDelete
  3. ثورة يعنى تفكر قبل ما تتكلم , تتأكد قبل ما تنشر , و يكون ليك رأيك و سياستك , و دى مفيهاش مجاملة

    ثورة يعنى متحاولش تغير نظام غير لما تكون مقتنع أنك أنت لازم تغير كل اللى فيك وحش , و تقنع اللى حواليك .. ما أنت مش هتحس بحلاوة التغيير غير لما أنت تتغير.

    .كلمات رائعه يارضوي
    كعادتك دائما

    ReplyDelete
  4. بالظبط يا دينــا
    احا لازم كل واحد يكون له وجهة نظره اللى مقتنع بيها
    مش يمشى ورا أى كلام يسمعه و خلاص
    لازم يتأكد من كل حاجة بيسمعها =)

    الله يبارك فيكى .. ميرسى يا جميلة
    أنتى أحـلى =))

    ReplyDelete
  5. ربنا يخليكى يا هـبة يا رب =)
    و شرف لى أنها أعجبتك :)

    ReplyDelete
  6. ربنا يخليك :)
    نورتى بمرورك ..

    ReplyDelete
  7. جميلة جدًا يا روودي
    بجد بجد
    حسستيني بجو الثورة تاني
    يارب ثورتنا تنتصر و ان شاء الله لن يكون هناك طاغية آخر في المستقبل

    تسلمي ^^

    ReplyDelete
  8. ربنا يخليكى يا سووو
    أنا و الله فخورة بالثورة و لسة عندى أمل
    و ان شاء الله هتنتصر .. مادام بنثور عشان الحق
    ان شاء الله آميين

    دايما منورانى كده يا جميلة =)

    ReplyDelete
  9. علي فكرة فعلا هي دي الثورة
    وبدايتها اننا نكون عادلين ف كل حاجة بنطالب بيها
    شكرا ياقمر حلوة اوي

    ReplyDelete
  10. بالظبط كده معاكى حق =)
    ربنا يخليكى يا جميلة
    و نورتينى و الله :))

    ReplyDelete