Thursday, August 18, 2011

لا بـد مـن حـل




أعانى من نفاذ الأفكار فعلا , أشعر كما لو أن كان هناك دلو من الأفكار ينساب داخل عقلى 

و فجأة جف أو اختفى ..

و بينما أنا هكذا فى حالة البحث عن أى شئ يصلح للكتابة , كنت أستمع منذ قليل لأغنية لفيروز , ربما لأنها مرتبطة بحالة "أنا عايزة إلهااااام" أو ربما لأنى أعانى من صداع و كان عندى أمل أخير بأن صوتها سيجعل الألم يختفى ..

و لكن الصداع لم يذهب و مازلت حائرة بلا فكرة !

إمممم , إضافة إلى الصداع , أشعر بحالة من الاكتئاب الذى لا اجد له تفسيرا , ربما بسبب الروتين الذى قد يكون مريحا , و لكنه لا يأتينى بجديد فبدأت أشعر كما لو أن اليوم يتكرر و يتكرر و يتكرر ويتكرر !

الأن لنحصى ماذا لدينا .. صداع ,انعدام أفكار , اكتئاب , و روتين !

العيد إقترب , لما لا أشعر بنفس الفرحة ؟ ألا يكفى ما سبق ؟

أحاول أن أفكر , لا بد من أننى أذيت أو جرحت شخصا ما , ربما أغضبت أحدهم , لا بد أن هذا هو السبب و إلا لما كل هذا ؟

حتى رمضان يمضى أسرع مما توقعت , فها قد مضى أثر من نصفه !

إكتشفت الأن أنى أثرثر بلا جدوى ..

و بما أنى لن أستطيع النوم الأن .. نعم أضيفوا للائحة الأعراض السابقة: الأرق

فربما أعيد جولتى الروتينية المعتادة فى تصفح النت ..

ربما الشئ الوحيد الذى فعلته اليوم هو الرسمة الثالثة فى مشروع رسمة كل يوم ..

و هى أرسم أقرب صديقة لى : حاولت رسمها و لكن الموود حكم على أن تطلع الرسمة مش و لا بد !

9 comments:

  1. الثرثرة بلا جدوى و عدم ورود الأفكار بشكل جيد على ذهنك
    هذا نفس ما أعانيه بالضبط يا أختاه :D
    في ملل و في زهق و في نوع من الترقب المخيف العجيب المريب
    بجد بجد
    حالة صعبة :(
    ربنا معانا :D
    و الرسمة كالعادة حلوة ^.^

    ReplyDelete
  2. حكايه ان فجأه تلاقى الافكار تختفى
    دى رخمه اووووى
    الواحد بيحس انه عايز يتكلم كتييير
    بس يتكلم عن ايه مش عارف !
    وفى وقت تانى بيبقى من كتر الافكار اللى فى دماغك انتى مش عارفه تكتبى ايه والا ايه

    الملل تقريبا بقى الرابط المميز الوحيد بين حياه اى حد فينا :|
    هى بس بتبقى فترات وهتعدى
    لاتقلقى

    انتى مستهتره برسمك ليه بس :))
    الرسمه حلوه اوى على فكره

    ReplyDelete
  3. حاله من البهتاااااااااان

    كتبت عنها من كام يوم
    و اضح انها حاله عامه

    حلوه الرسمه

    وبردو مش هشارك
    لانى ما اظن ان رسمى ينفع خااالص
    :D

    ReplyDelete
  4. سوووو .. إحنا كده حالتنا صعبة صعبة بجد !
    ربنا معانا يا رب
    أصلها مش ظريفة خالص الحالة دى !!

    ميرسى يا جميلة .. أنتى احلى طبعا =))

    ReplyDelete
  5. دينا .. بالظبط كده
    ده اللى أنا حاساه بجد
    أنى عايزة أتكلم و أكتب و مش عارف عن إيه أصلا
    ان شاء الله يا رب تعدى و متستمرش كتير كده :)

    رافعة من روحى المعنوية و الله
    فرحتينى بجد .. ربنا يخليكى و أنتى أجمل يا قمر :)

    ReplyDelete
  6. خالد .. أيووون أنا كنت شفت تدوينتك عن الحالة دى
    و إكتشفت وقتها أن فعلا الحالة دى متشرة أووى
    يا رب منفضلش فيها كتير

    ربنا يخليك يا رب =)
    هههههههههههههه براحت طبعا
    أنا واخداه طريقة أقتل بيها الملل !

    ReplyDelete
  7. جميلة فعلاً،، وصف بسيط،،واسلوب شيق جذاب..

    وحالة الروتين اليومى على نفس المنوال،، والتى كنت قد كتبت عنها أيضاً مؤخراً...

    صحيح يبدو إنها حالة عامة !!

    بس الرسمة فعلاً مميزة..

    وأنا غير مميزة أبداً فى الرسم...

    بالتوفيق يا رضوى..

    ReplyDelete
  8. يا رب و الله كلنا نخلص من الحالة دى
    بس هى طولت معايا ان شاء الله كده أخلص منها
    بس مش عارفة أزاى =)

    ربنا يخليكى يا جميلة .. انتى اللى أحلى :)
    نورتينى بجد

    ReplyDelete
  9. كلنا عايزين الهاااااااااااااااااام
    لو لقيتيها ابعتيهالي

    الرسمة جامدة جدا

    ReplyDelete