Wednesday, August 24, 2011

تــوهــآن !


عمرك حسيت أنك معدتش عارف إيه هدفك ؟

أو أنك عايز تبقى إيه فى الحياة الطويلة العريضة دى !

أنا فى مرحلة الابتدائى .. كان نفسى أطلع دكتورة أطفال أو ممثلة معرفش ايه العلاقة ؟ :)

فى مرحلة الاعدادى .. بقيت عايزة أطلع مضيفة طيران !

فى الثانوى .. قلت لأ عايزة أبقى صحفية !

و أنا أهو فى أخر سنة من الجامعة .. و مش عارفة أنا عايزة أبقى إيه !

كل اللى أعرفه أنى عايزة أعمل حاجة بحبها .. و أنا بحب أكتب !

بس مش عارفة هأكتب إيه ؟ هأشتغل فين ؟ هأطلع إيه ؟

بيقولوا أنك مادام مش عارف إنت رايح على فين .. يبقى أنت ماشى على الطريق الصح !

بس أنا ليه مش حاسة أن ده الطريق الصح و لا حاجة ؟

17 comments:

  1. و انا فى الاعداديه كنت عايزه ادرس تاريخ ...لاقيتها الحاجه الوحيده اللى بحبها

    و انا فى ثانوى كنت عايزه ادخل صيدله لاقتها الحاجه اللى اقدر اعملها

    و انا فى سنه خامسه طب بشرى سألت نفسى هو ايه اللى جابنى هنا ...ما انكرش انى حبيت الطب لكن على طريقه "حب ما تعمل حتى تعمل ما تحب" او كان اتنين اتجوزوا جواز صالونات و بعدين حبوا بعض

    ReplyDelete
  2. على فكره تقريبا كلنا كده
    كل مرحله فى حياتنا احلامنا بتتغير معاها
    زى ما تفكيرنا بيتغير وطريقه حياتنا بتتغير

    بس ياترى هو احنا فى الاخر هنبقى على الطريق الصح فعلا؟!!؟

    اسفه انى بقالى كام يوم مش متابعاكى يا رضوى :)

    ReplyDelete
  3. انا إكتشفت متأخر أن كان نفسى أدرس أدب كما
    و أنى بحبه !
    لكن أنا راضية دلوقتى عن اللى بدرسه الحمدلله ..
    الفكرة فى بعدين .. بعد الدراسة !

    نورتينى يا د.دودى
    و ربنا يخليكى :)

    ReplyDelete
  4. بالظبط يا دينا هى دى الفكرة
    يا ترى إحنا ههنكون ماشيين صح ؟
    و فعلا الواحد فى كل مرحلة تفكيره و أحلامه و كل حاجة فيه بتتغير !

    لا يهمك يا جميلة .. نورتينى و مبسوطة برجوعك :)

    ReplyDelete
  5. تايهة
    تايهة
    تايهة
    تايهة أنا :(
    بجد يا رودي
    حتى أنا
    بقول عايزة أطلع صحفية أو إعلامية
    طب و بعدين؟
    معرفش :(
    دايمًا بعتبر إن الحياة بتيجي كدا تلاطيش و فرص
    أعتقد هي دي الحياة فعلاً في النهاية
    مهما خططت لها بتبقى جاية على مزاجها كدا !
    سبحان الله يعني !
    أنا تايهة زيك بالضبط
    و مش عارفة أعمل ايه :( ؟
    يا ترى أعمل ايه !؟

    ReplyDelete
  6. أعتقد أنك لخصتى الحياة فعلا يا سوو

    أعتقد هي دي الحياة فعلاً في النهاية"
    مهما خططت لها بتبقى جاية على مزاجها كدا"

    دى الحقيقة فعلا .. أنا فعلا تايهة بجد !
    و مش عارفة يا ترى كمان سنة ان شاء الله هكون فين أو بعمل ايه !

    بس قلت أسيبها على الله و ان شاء الله خير
    و أتى كمان يا سوو .. إعملى كده سيبيها على الله و إعملى اللى عليكى
    و إن شاء الله خير !

    ربنا معاكى يا رب يا جميلة :*

    ReplyDelete
  7. والله دي حال الكثيرين فتوهان تعبر عن وضع ومشاعر وحيرة
    واجهت الكثيرين وانا منهم

    ReplyDelete
  8. ههههههههههه

    كلنا كده

    توهان توهان

    واعتقد ده كويس

    :)

    ReplyDelete
  9. أنا بصراحة مازلت كدة و كتير بتعدي عليا أيام أندم إني دخلت كليتي دي أو إني دلوقتي مقدمة على شغل مالهوش أي علاقة بالكلية، بس كتير قوي بحس إني سعيدة إني في كل حاجة عملت حاجة أنا عايزاها من غير ما حد يفرضها عليا، سواء في كتابة أو دخول كلية أو طريقة مذاكرة أو حتى علاقة، أنا واحدة بتحب تعمل ما تريد بغض النظر عن النتائج، المعم أطلع من التجربة أو حتى الأمنية دي بحاجة، إنشالله مغامرة في الخيال

    ReplyDelete
  10. انا بقى عكسك تماما . . طول عمري نفسي اكون مهندسة و لما اوشكت انهي دراستي و كم شهر و اصير مهندسة ان شاء الله اكتشفت اني سرت بطريق الغلط :(

    ReplyDelete
  11. اول مرة اعرف
    أنك مادام مش عارف إنت رايح على فين .. يبقى أنت ماشى على الطريق الصح !
    ..
    مش حاسة الجملة دى صح
    يمكن يا رضوى تكونى محتاجة هدنة تكتبى فيها احلامك
    وترتبى اولوياتك
    المهم اوعى تسيبى نفسك ماشية من غير هدف
    احسن العمر يمر من غير ما تعملى فيه حاجة يكتبها التاريخ
    وربنا يكرمك ويوفقك يارب

    ReplyDelete
  12. This comment has been removed by the author.

    ReplyDelete
  13. طول حياتى وانا بحب اطير من ساعة ما شوفت بعد المدرسة فى محل لعب طيارة وقعدت ايام ببص علها ولاحد ماجبتها وعملت كل حاجة صح علشان ماما تجبها وانا ساعتها كنت عايز ابقى طيار وادينى فى حقوق بس مش ندمان اخدت من كليتى اكتر ما هتدينى وفهمت انى طول ماانا فاكر طيارتى طول مانا هفضل احاول اتعلم واتعب علشان بس احقق حلمى وابقى زى مانا دايما كنت عايز حتى ولو الضروف خلتنى ابعد

    ReplyDelete
  14. الموضوع دة طبيعى جداً
    انا بعد مادخلت إعلام .. كنت هاتجنن وادخل اداب انجليش القاهرة

    التذبذب صفة طبيعية فى البنى أدمين :$

    ReplyDelete
  15. لو فعلا لما يكون الانسان مش عارف هو عايز ايه بيكون وقتها ف الطريق الصح
    يبقى كده انا بعمل اكتر حاجة صح ف حياتي :))
    ربنا يستر

    ReplyDelete
  16. سلام.انا مادرست طول السنه ف خامسه طب والإمتحانات تقريبا بعد 5أشهر .أريد مساعده هل يمكن أن أدرس كل شئ ف هذه المده الزمنيه مع العلم أنني كنت أغيب أشهر عن العملي بسبب الظروف،وإذا ممكن كيف ذلك جزاكم الله خيرا.

    ReplyDelete
  17. سلام.انا مادرست طول السنه ف خامسه طب والإمتحانات تقريبا بعد 5أشهر .أريد مساعده هل يمكن أن أدرس كل شئ ف هذه المده الزمنيه مع العلم أنني كنت أغيب أشهر عن العملي بسبب الظروف،وإذا ممكن كيف ذلك جزاكم الله خيرا.

    ReplyDelete