Wednesday, April 4, 2012

الحيــاة بقـى لونهـا بمـبى ..



الوردى ..

ده جزء من حملة ألوان .. للكتابة عن ألوانك المفضة

أفضل ألوانى على الاطلاق .. لون الرقة و الجمال و الحب. لون بيهدينى و يحمسنى فى نفس الوقت. مش فاكرة إمتى قررت أن يكون ده لونى المفضل, بس أعتقد من طفولتى كنت معجبة بباربى المميزة بلبسها الوردى .. و من ساعتها ممكن بطلت باربى لكن مبطلتش اللون الوردى.

اللون ده بيفكرنى بالطفولة و السعادة أكتر من أى حاجة تانية. هو إختيارى الأول فى كل حاجة ابتداءا بلبسى انتهاء بحيطان غرفتى. أكتر تعليق بيجيلى فى حياتى "مش هتغيرى اللون الوردى ده" صراحة بحاول بس مش بعرف أعمل إيه, ده كفاية إن سعاد حسنى غنتله :)

و عشان كده جايبة شوية معلومات عن لونى المفضل :

· كانوا بيستخدموه فى بعض السجون لتهدئة نوبات غضب المساجين





· الفيونكة الوردي المشهوردة: دى معروفة على مستوى العالم بانها لحملة التوعية ضد سرطان الصدر.


· فى اليابان, اللون الوردى ده له دلالة رجولية كمان, بيقولو أن الربيع لما أشجار الكرز بتزهر (دى شجرتى المفضلة طبعا لأن كلها وردى) بيقولو أن ده بيمثل المحاربين اللى ماتو فى الحرب فى شبابهم (الساموراى)

· مدينة جايبور فى الهند, اسمها المدينة الوردية بسبب انتشار اللون فى الشوارع, المبانى, المعابد, المحلات ...إلخ

· الصينين مكانوش يعرفو اللون الوردى لحد ما حصل اتصال بينهم و بين الثقافة الغربية و كانوا بيسموه "اللون الأجنبى"

· مراكش دى مدينة كمان اسمها المدينة الوردية بسبب مبانيها الوردية

· فى الديانة المسيحية: اللون الوردى بيرمز للسعادة

· المثلث الوردى: بدأ عندما استخدمه الألمان النازيون لما كانوا بيحبسو الرجال الشواذ و كانو بيجبروهم على ارتدائه, دلوقتى مازالوا بيرتدوه بس بعد ما غيروا فى شكله شوية و بقى علامة فخر لهم

· السيدة الأولى, مامى أيزنهاور, عرفت بأسم مامى بينك, من كتر ما كانت بتلبسه

· اللون الوردى بيشجع الناس على أنهم يتعاملو بلطف أكتر من أى لون تانى

· فى دراسات أثبتت أن رافعى الأثقال الرجال بيفقدوا قوتهم فى الغرف الوردية و العكس بالنسبة للنساء




· الحلويات بيبقى طعمها أحلى لما تكون فى علب وردية أو مقدمة على أطباق وردية, لأن اللون الوردى بيشجع على أكل الحلويات.

دى بعض المعلومات المختلفة اللى جمعتها عن اللون ده :)

لتكون حياتكم كلها وردى × وردى

22 comments:

  1. جميلة جدا جدا جدا التدوينة .. خفيفة وعسولة ومسلية وقمورة وبينك :))) انا مبسوطة ومنشكحة بقى :))

    ReplyDelete
    Replies
    1. أنا مبسوطة أكتر بقى بيكى يا توينى :)
      أنتى أحلى

      Delete
  2. مساء البنفسج
    انا اول مرة ادخل هنا
    طبعا عرفت التدوينة من ع الفيس بوك صفحة الوان
    حلوة بجد كل المعلومات دي
    انا لوني المفضل البنفسج
    مع اني لما كتبت كتبت عن السماوي
    بس لسة سايبة البنفسج للأخر
    علي فكرة بموت ف اللون الوردي
    بحس انه لون طقفولي وبريء
    وكمان عندي حاجات لونبها بمبي اشهرها طبعا نضارتي هههه
    سعيدة بوجودي هنا

    ReplyDelete
    Replies
    1. نورتينى بزيارتك و أتمنى متكونش الزيارة الأخيرة ليكى :)
      أنا كمان بحب البنفسجى جدا جدا .. بحسه أخو الوردى :)
      أنا أسعد بمرورك عزيزتى

      Delete
  3. رضوى اشرف

    انا اعشق اللون الاصفر لانى غيور جدا وبعده اللون الاحمر حيث الطموح والصمود

    ReplyDelete
    Replies
    1. أنا أحب اللون الأحمر أيضا :)
      نورتنى بمرورك :)

      Delete
  4. :)

    جميل البوست وحلوة المعلومات

    موضوع الألوان عامل بهجة بجد

    كتبت رغم ان مكنش حاجة فى بالى ابداااا الالوان تجلعنا نسترسل


    دمت بخير

    ReplyDelete
    Replies
    1. أنتى أجمل :)
      الكل بيحب يكتب عن ألوانه المفضلة حتى لو مش مجهزة حاجة الكلام بيطلع لوحده :)

      نورتينى بمرورك

      Delete
  5. رودى انا بحب الوردى البينك الغامق الموف الدرجه اللي بين الموف والبينك فظيعه

    بيجد موضوع حلو اوى ولذيذ خالص تسلم ايدك
    ^_^

    ReplyDelete
    Replies
    1. ميرسى يا حبى :)
      انا الصراحة بحب كل درجاته بس أكترها الوردى الفاتح :)

      Delete
  6. :) أنا كمان حيطان أوضتي لونها بمبي
    لون جميل ورقيق كده وبناتي وعسول

    حلوة قوي المعلومات اللي عن اللون البمبي

    ReplyDelete
    Replies
    1. هههههه الحمدلله انه مش انا لوحدى :)
      أيوون أكتر لون بحسه بناتى الصراحة
      تسلمى يا جميلة :)

      Delete
  7. بحب اللون الوردى وشكرا على المعلومات اللى فى البوست عنه اللى اغلبها اعرفها لاول مرة

    ReplyDelete
    Replies
    1. مبسوطة أنها أعجبتك :)
      متحرمنيش من زيارتك مرة تانية

      Delete
  8. ربنا يجعل حياتك كلها بمى بمبى بمبى
    بوست رقيق ومشاركه مميزه
    لك منى كل الود

    ReplyDelete
    Replies
    1. أتمنى لك حياة وردية أيضا :)
      أشكرك على مرورك جدا .. و فى إنتظارك مرة أخرى

      Delete
  9. جميل
    بجد انا مبسوطة بالايفنت ده خلي حاجات حلوة كدة تظهر

    جميل كمان انك تجمعي معلومات كتيرة كدة عن لون واحد

    شرفيتني معرفتك
    :))

    ReplyDelete
    Replies
    1. ايفنت فكرته حلوة جدا جدا
      انا حسيت انى عايزة أعرف الناس باللون ده أكتر :)
      أسعدتنى زيارتك جدا :)

      Delete
  10. انا اصلا بموووووت فى اللون ده
    يا سلام لو الحياه تبقى لونها بمبى
    اكيد هتبقى حاجه حلوه اوى
    وحشتنى مدونتك اوى بجد

    ReplyDelete
    Replies
    1. يا ريييييت و الله
      هتبقى أحلى حاجة لو كل حاجة فى الحياة بمبى :)
      و انتى وحشتينى أكتر بجد <3

      Delete

  11. شركة المثالية للتنظيف تسعد بتقديم خدماتها لعملائها بالمنطقة الشرقية خدمات تنظيف خدمات مكافحة حشرات خدمات تسليك مجاري المياه للمطابخ والحمامات جميع الخدمات المنزلية تجدونها مع شركة المثالية للتنظيف بافضل جودة وارخص الاسعار بالاعتماد علي كافة الادوات الحديثة والعمالة الماهرة

    شركة المثالية للتنظيف
    شركة المثالية للتنظيف بالدمام
    شركة المثالية للتنظيف بالخبر

    ReplyDelete