Tuesday, April 17, 2012

أشيـائى العشـرة ..


عشرة أشياء و أكثر أستخدمها فيما لا يستخدمه غيرى ..

1-ورق الكروشية: أستخدمه فى تزيين صناديقى و تزيين حواف دولابى, ربما أستخدمه لصنع وردة أو تزيين علامة التوقف فى كتاب معين, و قد أستخدمه كزينة لأرفف مكتبتى

2-علب الأحذية: أنسب مكان لحفظ الذكرات بعد تزيينها بورق الكروشية و البرونز و الورود, بدءا من الصور نهاية بكروت المعايدة الثمينة.

3-الأوراق و الصور القديمة و قصاصات المجلات: أستخدمها فى هوايتى المفضلة صنع الكولاج و إن كنت مازلت مبتدئة فيه أو تعليقها فى دولابى أو على سريرى أو على حائط غرفتى

4-الأكواب بمختلف أشكالها و ألوانها: أستخدمها طبعا لحفظ الأقلام

5-ماركات الملابس: بعد التعديل و القص فيها قد تصبح ممتازة لاستخدامها كعلامة التوقف داخل كتاب أو كقصقوصة فى إحدى كشاكيلى.

6-علب البارفانات و غيرها من العلب: أستخدمها لتخزين أشيائى الصغيرة بدءا بتوك شعرى و إنتهاءا بإكسسواراتى

7-شرائط الهدايا و ورق الزينة و "ألفيونكات"و الأقمشة غيرها: تستخدم فى صنع أشياء يدوية جميلة مثل كروت معايدة جميلة.

8-قصاصات الجرائد: لتزيين حائطى بملسة كاريكتير ساخرة أحيانا و ثائرة حزينة أحيانا أخرى

9- الشرائط الملونة التى تكون موجودة فى الحقائب: أستخدمها لتجميع أوراقى المهمة معا أو كربطة شعر لدميتى.

10- الورود المجففة .. لا يخلو كشكول من كشاكيلى القديمة أو صناديقى من وردة واحدة مجففة!

....

جزء من المشاركة فى حملة : اللغة العربية للإستخدام اليومى

10 comments:

  1. حلو قوى استحدامك لكل الحجات دى سعات بتكون حافز جمييل قوى لأنسان انة يبتهج او يفتكر ذكرى حلوة تغير مووده.....

    ReplyDelete
    Replies
    1. هى بتغير الموود و بتخرج الواحد من الروتين الممل شوية :)
      نورتنى ^^

      Delete
  2. 3-الأوراق و الصور القديمة و قصاصات المجلات: أستخدمها فى هوايتى المفضلة صنع الكولاج و إن كنت مازلت مبتدئة فيه أو تعليقها فى دولابى أو على سريرى أو على حائط غرفتى


    ================
    من الحاجات اللى نفسى اتعلمها بجد بحس انها بتطلع طاقة وافكار حلوة من الدماغ بدل ما نصدى :D

    =============
    5-ماركات الملابس: بعد التعديل و القص فيها قد تصبح ممتازة لاستخدامها كعلامة التوقف داخل كتاب أو كقصقوصة فى إحدى كشاكيلى.

    مجربتهاش قبل كدة بس تصدقى عاجبانى اوى الفكرة بتاعه ماركة البنطلونات دى خصوصا ان بيبقى شكلها حلوة فعلا :DDDD


    افكارك جامدة يا رودى :*

    ReplyDelete
    Replies
    1. فعلا الكولاج لو كمان معمول حلو بيطلع تحفة كده يستاهل تبروزيه الصراحة بس أنا لسة عبيطة حبتين فيه :)

      و موضوع ماركات للبس ده فيه حاجات بتبقى حلوة جدا و محدش يصدق أنى دى كانت ماركة بنطلون أو بلوزة لو شافوها :)

      ربنا يخليكى يا حبى :*

      Delete
  3. جميلة اوى :)
    عاوزة اعمل كولاج انا كمان
    قريب إن شاء الله :))

    ReplyDelete
    Replies
    1. أول ما تعمليه عايزة أشوفه إن شاء الله بقى يا توينى :)
      أنتى أحلى حبيبتى :*

      Delete
  4. الورد..ده الشيء الاسطوري الوحيد اللي ف كل الكتب فعلا :)

    ReplyDelete
    Replies
    1. الورد ده تجفيفه يبقى حلو أوى فعلا :)

      Delete
  5. الشئ الوحيد اللى بستخدمة الكراتين علشان احط فيها الجرايد والمجلات القديمة

    ReplyDelete
    Replies
    1. انا بسيبلها ركن كده فى المكتبة لوحدها بقى:)

      Delete