"ان الحزن المتكرر هو شيخوخة مبكرة"
محمد المنسي قنديل
أنا أول ما شفت الجملة دى اتخضيت كده .. يعنى أنا ممكن يعنى يجيلى شيخوخة مبكرة ؟ طيب كل اللى أنا زعلت عشانهم أو بسببهم هيعملولى ايه لما تجيلى الشيخوخة المبكرة .. أكيد و لا حاجة .. هيفرحوا و يمرحوا بشبابهم و أنا أقعد على كرسى العواجيز بشيخوختى المبكرة !!
فقلت فى نفسى كده "أنا مش هيجيلى شيخوخة غير فى وقتها ان شاء الله و دلوقتى هأبتسم و أرجع لطبيعتى .. مفيش فايدة أنى أفضل زعلانة و محدش هيفيدنى " و لا ايه ؟
و هحاول كل ما أزعل من حاجة أكتبها و كده مش هلحق أوصل للشيخوخة صح ؟؟
طيب بص بقى .. أنا زعلانة منك , و مش عايزة أكلمك و فى نفس الوقت عايزة أكلمك , فهمت حاجة ؟
طووويب , مش عايزة أكلمك عشان تعرف أنى زعلانة منك جامد , بس عايزة أكلمك عشان عايزة أكلمك .. فهمت بقى ؟ لأ ؟ طووويب =)
أنا حاليا حاسة أنى فى طريقى أبقى أحسن ,, و كل ما أحس أنى داخلة على دور اكتئاب , هفتكر أنى مش عايزة شيخوخة مبكرة !!
=)
ReplyDeleteجميلة جدًا يا رضوى
و ان شاء الله نحاول نبتسم ع طول عشان ما يجيش لنا شيخوخة مبكرة أبدًا أبدًا =)
دة لو كدة يبقى انا عديت مرحلة الشيخوخة ورجليا خلاص والقبر :D
ReplyDeleteجميلة يا حبى .. ياريت مانزعلش نفسنا على حاجات ماتستاهلش زى مانا بعمل كدة
ان شاء الله يا رب يا سارة و الله
ReplyDeleteلأحسن الشيخوخة المبكرة دى وحشة جدا =)
ميرسى يا جميل
بعد الشر عليكى يا حبى
ReplyDeleteمن عنيا يا نيللى عيب عليكى ده من النهاردة (ان شاء الله يارب بقى) مش هبطل ابتسام خاااالص
ميرسى يا حبى
اه فعلا الحزن بيكبر
ReplyDeleteوبيضيع من عمرنا كتير على الفاضى
الاحسن اننا نطلع اللى جوانا اول بأول كده
عشان لو فضلنا نشيل جوانا
اخرتها وحشه لينا احنا مش لغيرنا
تسلم ايدك يا رضوى
وربنا يبعد عنك اى حزن يارب :))
كل ما شعرت بالضيق وبداية دخولك لعالم المكتئبين ، افتكري المقولة دي ..
ReplyDeleteان الحزن المتكرر هو شيخوخة مبكرة
""""""""""""""
كل عام وانت بخير ورمضان كريم
بالظبط كده يا دينا =)
ReplyDeleteو احنا اللى بنتضرر منه مش غيرنا
يا رب و انتى كمان ان شاء الله متشوفيش اى حزن
تسلمى يا جميل
و دى فعلا اللى قررت اعمله ان شاء الله =)
ReplyDeleteشكرا ليكى يا جميلة ..
الله أكرم و أنتى بألف خير
شيخوخة مبكرة إيه هما الستات بيعجزوا ؟! :))
ReplyDeleteكل سنه و إنت طيبه و بألف خير رمضان طريم عليكي و على كل حبايبك :)
شيرين سامي
السلام عليكم
ReplyDeleteمدونة رائعة
كل عام وانتم بخير جميعا
اللهم تقبل صيامنا وقيامنا
اتمني ان تلقي نظرة علي مدونتى المتواضعة
مع خالص تحياتي
شيرين .. لا طبعااااا =)
ReplyDeleteو انتى بألف خير و الله أكرم و رمضان كريم عليكى ان شاء الله
و عليكم السلام و رحمة الله و بركاته ..
ReplyDeleteأشكرلك مرورك بالمدونة ..
و انت بألف خير
و ان شاء الله بتابع مدونتك ..