Tuesday, June 14, 2011

فيــن الســكر ؟


" احنـا النمـل .. فين السكر ؟؟"

فيلم صرخة نملة .. فعلا مكنتش متوقعة أنه هيأثر فيا كده , من أحلى الافلام اللى بتعبر عن مصر بجد قبل الثورة بكل حاجة فيها و أيام الثورة على خفيف كده بس برضة جايبينها حلووة أوى "كفاية شوية الصور اللى فيه و قصيدة هشام الجخ" ..

انا طبعا مش هتكلم عنه كتير عشان محرقوش على الناس اللى عايزة تشوفه .. بس ده بجد فيلم يستاهل أنه فعلا يترشح لمهرجان كان .. و نصيحة لأى حد أنه يشوفه !!

تقييم الفيلم : 5 /  5

مميزات الفيلم (من وجهة نظرى) : واقعى من غير الوصول لدرجة أنه يكون أوفر (فى معظم الاجزاء) , موسيقى الفيلم فظيعة , الشخصيات متركبة كويس و التمثيل أكتر من رائع بجد , و الصراحة البوستر تحفة أووى ^^

مساوئ الفيلم (من وجهة نظرى) : الاحداث فى الاخر جريت بسرعة و النهاية كئيبة زيادة عن اللزوم

الفيلم مؤثر و غصب عنك هتدمع .. فيه مواقف كوميدية كتيرة (كوميدية سوداء ) , و ممثلين عملوا دورهم ما شاء الله صح :)

** أنا الحمدلله خلصت امتحانات ^____^ و من بكرة ان شاء الله هفضى للمدونة**

No comments:

Post a Comment