مثلا لما تكون قاعد فى مكان .. و حد رخم مراقبك و تلاقيه يجى يسألك "هو أنت مستنى حد ؟" المفروض يتقاله ايه ؟ لأ جاى أخد صورة ..
مثلا لما تكون بتشرب حاجة .. وحد لطيف بقى يجى يكملها و بعدين يسألك بعد ما يكون شربها .. "هو أنت مشربتهاش ليه ؟" المفروض يتقاله ايه ؟؟ طيب أنا قررت أشربها خلاص هاتها تانى بقى ..
مثلا تكون عندك صداع و قافل النور فى أوضتك و" نايم فعلا" .. و يجى حد لطيف و يقولك "هو أنت هتنام ؟" لأ بجرب شكلى ازاى و أنا نايم
مثلا فى سؤال بحبه برضة .. لما تكون قاعد مندمج فى حاجة أنت بتتفرج عليها .. و حد يجى يقلب و بعدين لما تقوله أنت قلبت ليه يسألك "هو أنت كنت بتتفرج ؟" لأ كنت قاعدة بصور التليفزيون
برضة ليه لما تقول لحد أن البطارية فاضية بتاعت الريموت مثلا .. لازم يدوس على الزراير أووى .. أصلى بكدب عليك بقى , و بمناسبة الكدب ليه مش بنصدق لما تكون حاجة لسة مدهونة و مكتوب كده .. لازم نجرب بنفسنا يعنى ..
و برضة مثلا لما تكون واقف مستنى الاسانسير و حد يجى يقولك "هو بايظ ؟؟" أيووة بايظ و أنا واقف بتفرج عليه من جماله بقى
فى أسئلة أكتر أنا بستغربها و ساعات بفكر هو أنا سألتها قبل كده =)
لا والسؤال المعتاد
ReplyDeleteاول ما تيجى من بره انت جيت والا لسه؟
لا لسه ماجتش خيالى اللى جه الاول
فى اسئله مستفزه اووى
بس دى طبيعه الشعب المصرى تقريبا
بنحب نسأل ونكتشف كل حاجه بالتفصيل
ههههههههههههههههههههههه انا كمان بيستفزنى السؤال ده
ReplyDeleteلأ لسة مجيتش تصدق =)
أيووة معاكى حق .. بنحب نسأل و نعرف كل حاجة
:D
ههههههههههههههههههههههه
ReplyDeleteاحنا و الله كمصريين مفيش زينا بجد !!
:D