يبقى أنت أكيد فى مصر
لما الاعلام يقولوك .. متقولش عليه "مـ...." و قول عليه "سـ..." .. يبقى انت أكيد فى مصر
لما أى حد يتكلم عن القوى العليا فى البلد , يتاخد و يرجع يقول دول ادونى بسكوت و شاى .. يبقى أنت أكيد فى مصر
لما متلاقيش ناس محترمة غير أيام الثورة .. و بعد الثورة تقول طيب الاخلاق دى كلها راحت فين .. يبقى أنت أكيد فى مصر
لما تقبضلى على واحد اتصور فى كل حتة فى البلد و تقول جبنا الجاسوس أهو , و كل الحرامية الكبيرة بيتضربلها تعظيم سلام أو قاعدة مرتاحة على البحر ... يبقى أنت أكيد فى مصر
لما أى حد يمسك سلطة نطبله و نقوله يا حلاوتك يا جمالك .. يبقى أنت أكيد فى مصر
لما نقعد نقول ده محتاج يتغير و ده وحش و ده بتاع و منحاولش نغير من نفسنا و نزعل لو اتقالنا غير من نفسك و ابدأ بنفسك .. يبقى أنت أكيد فى مصر
لما نغنى "اخترناك اخترناك " لكل من هب و دب من غير تفكير , لمجرد أنه فى موقع سلطة .. يبقى أنت أكيد فى مصر
لما تلاقى نفس الناس و الوسائل الاعلامية اللى بتشتم فى شخص .. هى نفسها اللى كانت ميتة فى دباديبه و "بتبوس ايده" .. يبقى انت أكيد فى مصر
لما تلاقى شعب يقولك حكم و أمثال هو نفسو مش بيمشى بيها .. يبقى أنت أكيد فى مصر
لما تلاقى "شفافية" فى كل حاجة كده عمال على بطال .. يبقى أنت أكيد فى مصر
لما تلاقى الاجانب واخدين وضعهم أوووى فى البلد على عكس المصريين اللى حق .. يبقى أنت أكيد فى مصر
لما تحاول انك "تتبرى" من أصلك المصرى , و متكونش فخور غير بعد الثورة .. يبقى أنت أكيد فى مصر
لما متعرفش تفرق مين بيقول الصح و الغلط .. و لما ناس تطلع تقول كلام و تنفيه فى نفس ذات اليوم .. يبقى أنت أكيد فى مصر
فى لسة كتير فى مصر .. و متقولش ايه ادتنا مصر قول هتدى اييييييه لمصر ؟؟
مصر هى أم الدنيا .. بس امتى هنتظبت احنا كمصريين بقى ؟؟
و لا احنا المظبوطين .. و مصر اللى مش ماشية تمام و لا ايه :)
No comments:
Post a Comment