Wednesday, June 22, 2011

حـاجة اسمهــا مـلل




الملل ..

الملل (حسب تخيلى) .. هو كائن هلامى الشكل  , لزج و "رخم" , لا يكاد يلتصق بالشخص و يلازمه لعدة أيام  و قد تصل لأسابيع و ان تأزم الوضع فد تستمر لشهور و يجب العلاج فى تلك الحالة , هو حالة سيئة جدا و ينتج عنها امراض خطيرة و أهمها "الشلل , النوم المتواصل , عدم القدرة على فعل أى شئ" ..

حالة من الاوعى تدفعك لفعل أشياء "عبيطة" و أنت لا تعى .. مثل:

 

أنا شايفة ان الملل ده المفروض يبقى له علاج و دكاترة و الله !!

يعنى الناس اللى زيى اللى عندهم ملل و هيجيلى شلل و حالات نوم متواصل و مش عارفة أعمل حاجة .. أعمل ايه ؟؟

آآه  .. نسيت أكمل وصفى الدقيق للملل ..

هى حالة لا تشعرك بمرور الوقت , و تجعل الايام المتتالية لا فرق بينها , هى حالة تتوغل فى داخلك حتى تتمكن منك و من الصعب بمجرد توغلها أن تتخلص منها بسهولة , الاعمال الروتينية لن تفيدك .. الملل , ده بالنسبة من أخطر أمراض العصر

و أنا مش ببالغ .. الملل بيوصل الواحد أنه ياخد قرارت عبيطة و يعمل حاجات مملة و فى معظم الاحيان مش بيعمل حاجة

رغم انه أحيانا .. بيوصل الواحد أنه يستثمر وقته فى حاجة مفيدة .. بس للأسف أنا موصلتش للمرحلة دى

أنا فى مرحلة الملل الامفيد .. بدليل أنى كتيت تدوينة كاملة عنه

ساعدنى يارب !!

:D

5 comments:

  1. أنا في آخر مرحلة الملل المش مفيد ادعيلي أعديها بسلام:)

    ReplyDelete
  2. حاسة بيكى .. ربنا معاكى تعدى منه يارب :))

    ReplyDelete
  3. الملل ده من اسوء الحاجات اللى بتقتل احساس الواحد بأى حاجه بيعشها
    طبيعى ان اى حد فينا يعدى بلحظات ملل على فكره
    ادام عايشين فى روتين كل يوم
    بس الكويس فى الموضوع انك فى مرحله الملل المفيد :))

    ReplyDelete
  4. بالظبط كده =)
    أنا للاسف لسة فى مرحلة الملل اللى مش مفيد .. يارب أوصل للملل المفيد
    شكرااااا :)

    ReplyDelete
  5. اناوصلت مرحله مليت حتى مل الممل مني

    ReplyDelete