Thursday, June 30, 2011

الـ30





لا أدرى أيهما ألمنى أكثر ..

كونى كنت أتوقع تلك الاجابة منك .. ؟

أم كونك أجبت بها حقا ... ؟

و لا أدرى لما توقعت أن تكون إجاباتنا مماثلة .. 

لا أدرى حقا .. 

دى أخر تدوينة فى شهر يونيو .. و أنا استمتعت جدا بالتدوين يوميا فى الشهر ده .. و رغم أن دى تدوينة قصيرة , كان نفسى أخر تدوينة للشهر تبقى أحسن شوية .. بس للأسف الموود ميسمحش .. اتعرفت على مدونين رائعين و مدونات أروع
و فخورة جدا انى شاركت فى الحملة دى =)  
ان شاء الله متكونش دى أخر حملة للتدوين اليومى ^_^

Wednesday, June 29, 2011

أســئلة لطيفــة زيــآدة عن اللــزوم !!


مثلا لما تكون قاعد فى مكان .. و حد رخم مراقبك و تلاقيه يجى يسألك "هو أنت مستنى حد ؟"                     المفروض يتقاله ايه ؟ لأ جاى أخد صورة ..

مثلا لما تكون بتشرب حاجة .. وحد لطيف بقى يجى يكملها و بعدين يسألك بعد ما يكون شربها .. "هو أنت مشربتهاش ليه ؟" المفروض يتقاله ايه ؟؟ طيب أنا قررت أشربها خلاص هاتها تانى بقى ..

مثلا تكون عندك صداع و قافل النور فى أوضتك و" نايم فعلا" .. و يجى حد لطيف و يقولك "هو أنت هتنام ؟"          لأ بجرب شكلى ازاى و أنا نايم

مثلا فى سؤال بحبه برضة .. لما تكون قاعد مندمج فى حاجة أنت بتتفرج عليها .. و حد يجى يقلب و بعدين لما تقوله أنت قلبت ليه يسألك "هو أنت كنت بتتفرج ؟" لأ كنت قاعدة بصور التليفزيون

برضة ليه لما تقول لحد أن البطارية فاضية بتاعت الريموت مثلا .. لازم يدوس على الزراير أووى .. أصلى بكدب عليك بقى , و بمناسبة الكدب ليه مش بنصدق لما تكون حاجة لسة مدهونة و مكتوب كده .. لازم نجرب بنفسنا يعنى ..

و برضة مثلا لما تكون واقف مستنى الاسانسير و حد يجى يقولك "هو بايظ ؟؟" أيووة بايظ و أنا واقف بتفرج عليه من جماله بقى

فى أسئلة أكتر أنا بستغربها و ساعات بفكر هو أنا سألتها قبل كده =)

Tuesday, June 28, 2011

أتـــؤمن بالقـــدر؟


أتؤمن بالقدر ؟

أتعتقد حقا .. ان هناك شخص خُـلق خصيصا لك ؟

ليكملك .. و كأنه كما يقولون تؤأم روحك ؟؟

أتعتقد أنك ستعرف هذا الشخص بمجرد النظر ؟

هل ستتسارع دقات قلبك و تتباطأ فى نفس الوقت .. و تشعر كما لو أن هناك فراشات ترفرف فى عقلك ؟

أتؤمن بالنهايات السعيدة ؟

هل تعتقد أن الظروف مهما قسوت عليك لن تقدر أن تباعد بينك و بينه ؟

سألتك كل هذا .. و لحسن الحظ اجبتنى بنعم ..

أنا شعرت أنك تؤأم روحى ..

عرفتك بمجرد النظر ..

دقات قلبى تسارعت و تباطأت فى نفس الوقت .. و رفرفة الفراشات وصلت لأذنى ..

أمنت حقا بالنهايات السعيدة ..

و إعتقدت أنه لن يباعد بينى و بينك شئ ..

و لكن لم أجرؤ أن أخبرك

كيف لى ذلك ؟؟

و أنت وجدت رفرفة الفراشات و النهاية السعيدة و تؤأم الروح فى غيرى ..

و أسأل نفسى نفس السؤال ..

أتؤمنين حقا بالقدر ؟؟

 

"شوية كآبة بقى D: "

Monday, June 27, 2011

Hana Yori Dango ~



قررت أكتب النهاردة حاجة مختلفة .. فقلت بما انى لسة مخلصة دراما يابانية ..

أعرفكم عليها و أتكلم عنها شوية .. هى اسمها Hana Yori Dango  و معناها بالانجليزى Boys Over Flowers  .. طيب يعنى ايه برضة ؟ المعنى اللى يتفهم منها أنك تختار الحاجة مش على أساس المظهر اللى هو Flowers  المفروض بقى :)

هى دراما يابانية .. معمولة على جزئين و فيلم , الجزء الاول 9 حلقات و التانى 11 حلقة (معظم المسلسلات اليابانى عاملة كده . حلقات قليلة ) , نوعها رومانسية/ كوميدية .. على شوية اكتئاب محترمين .. بس النهاية حلووة أووى و سعيدة الحمدلله يعنى .. و هى مبنية على قصة يابانية (Manga) .. و اتعمل منها نسخة كورية و نسخة تايوانية .. المهم نشوف القصة

القصة :

بتتكم عن بنت فقيرة , باباها و مامتها موظفين و عندها أخ أصغر منها .. و هم عيلة فقيرة جدا لدرجة فى معظم الاوقات بتضحك .. المهم هى هتدخل مدرسة للأغنياء فقط .. و نوعا ما أهلها بيقدروا يوفروا مصاريف المدرسة و ده بالتالى بيؤثر على حياتهم ..



Inoue Mao As Makino Tsukushi

البطلة .. أنا عجبنى تمثيلها أووى مناسبة للدور و مقنعة جدا , تسوكوشى البطلة فى 2 ثانوى فى الجزء الاول و فى الجزء التانى فى 3 ثانوى و حلمها تبقى محامية .. طيبة جدا و طيبتها دى اللى دخلتها فى ده كله .. لما هتتحدى الـF4 أو Flower 4  اللى هما الابطال .. هم عبارة عن 4 أولاد , متحكمين فى المدرسة تحكم كامل , لاسباب كتيرة , منها أنهم من أغنى العائلات فى اليابان أو لأنهم تقريبا المدرسة دى بتاعتهم

 

Matsumoto Jun As Domyougi Tsukasa

قائد الـF4 و أعنفهم .. شخصية فى الاول تكرهها , لالازم اللى هو عايزه يحصل فى ساعتها و الا بيبدأ يضرب أى حد قدامه .. لحد ما هيتعرف على تسوكوشى , هيتغير تماما و على حسب كلام أصحابه هيرجع بنى أدم تانى .. هو الوريث لشركات Domyougi  و ده هيدخله فى مشاكل كتيرة مع مامته اللى معترضة على علاقته بتسوكوشى.

 

Oguri Shun As Hanazawa Rui

هو حب تسوكوشى الأول و هو هيبدأ يحبها بس هتكون هى حبت تسوكاسا (لازم ده اللى يحصل مش عارفة ليه يعنى) المهم هو الهادى الرزين اللى فيهم .. و الصراحة أنا معجبة بيه جدا , مش عشان حلو و لا حاجة يعنى , بس شخصيته عاجبانى جداااا ..


Matsuda Shota As Nishikado Soujiroh

ده بقى المفروض الصايع اللى فيهم .. أكتر واحد بتاع بنات يعنى .. (مش عارفة عندهم مبدأ كده اللى هو مادام غنى لازم تبقى بتاع بنات .. الواد شكله برئ خالص) المهم قلب بتاع بنات يعنى عشان كان بيحب واحدة و هى مشيت و سابته .. فاتعقد ياعينى بس هو دايما بتاع النصايح و الكلام الكبير ^^


Abe Tsuyoshi As Mimasaka Akira

ده حاسة أنه مهمته أى خناقة تحصل هو اللى يوقفها .. عده عقدة من البنات الصغيرة و طبعا مش هحرق ليه فى حالة أنه حد هيشوفه فبيحب أى واحدة أكبر منه ..طيب أوووى وأكتر واحد بيحب يساعد فعلا

...

طبعا فى شخصيات كتيرة بس دول الاساس .. بس الدراما رائعة بعد ما تسوكوشى تتعرف على كل واحد فيهم و تبدأ تقرب من تسوكاسا و تحبه .. مامته هتبدأ تتدخل و تعمل المستحيل عشان ميقربوش من بعض ..و هى الصراحة أنا كنت كارهاها كل الحلقات و مازلت بعد ما خلص مش بحبها فعلا

بس الرومانسية اللى فيه تحفة بجد .. و نوع يخليك تزعل و الله .. و قابلتهم كمية مشاكل تخلى الواحد يكره الحب بس برضة فضلوا مع بعض

أنا بنصح أى حد عايز يجرب حاجة حلوة و جديدة يشوفها .. و لو حد فعلا عايز يشوف الحلقات ممكن أحط لينكات التحميل




Sunday, June 26, 2011

أنــتــِ جميــلهَ




عمر حد و هو بيتفرج على فيلم رومانسى أو فيلم من أفلام ديزنى المخضرمة .. خد باله من حاجة مشتركة ألا و هى البطـــل ..

البطل لازم بيبقى منقسم لنوعيتين .. فى الافلام الهوليوودية العادية عادة لا اما بيبقى حب من أول من نظرة و بيكون حب بطريقة مشكوك فيها بس مقدرش الواحدة مننا غير انها تقول "هو مفيش كده ليه" أو بيبقى كارهها فى الاول أو بتبقى حبيبة صاحب أخوه و بيبدأ يحبها و يموت فيها و برضة بنقول "هو مفيش كده ليه" برضة ..

أو فى أفلام ديزنى .. الأمير اللى أول ما بيشوفها بيغنى .. أو بيحلم بيها أو أول ما يشوفها يحبها حتى لو ملكة جمال العالم جاتله , مش بيبصلها أصلا

البطل .. بيبقى وسيم .. حساس أو بيقلب حساس أول ما يعرفها .. تحس أنه كان مش محترم و فيه كل العبر و هى اللى خلته بنى ادم .. الخ الخ الخ

امممم .. يا ترى , كل الصفات اللى فوق دى واقعية أو بنشوفها فى حياتنا اليومية ؟

بس ده مش موضوعنا موضوعنا هو البطلة .. البطلة اللى هى المفروض بتشير للبنوتات الرقيقات اللى هما احنا

لازم تبقى حلووة جدا و ليها مقاييس معينة (اللى هو يحسسوك ان لو البنت مش حلوة كده .. ملهاش نصيب يا عينى) .. لازم تكون هى الوحيدة اللى مكنتش بتفكر فى البطل ده و تبدأ تحبه بعدين بقى (قاانوون) ..

ليه لازم تبقى حلوة ؟؟ مش لازم تبقى حلووة , فين حقوق البنات اللى مش حلووة ؟

انا مش بحقد .. ولا بغير .. عشان متفهمونيش غلط .. أنا بس بطالب بالمساواة .. مثلا سندريلا , ليه كانت سندريلا بس الحلوة , ليه مكنوش البنتين ولاد مرات باباها حلوين ؟ و لا عشان هى البطلة ؟

الافلام خلت زى ما البنات عايزين مقاييس معينة فى أمير أحلامهم .. خلت أميرات أحلام الاولاد شخصيات وهمية .. لازم تبقى حلووة خالص و ياريت تبقى بلوند بقى .. عينيها خضرا و بتقلب أزرق , رقيقة و فى نفس الوقت شخصيتها قوية .. الخ الخ الخ

مش هقول ان البنات مش نفسهم فى صفات معينة .. بس لازم نقول أن البطلات اللى فى الافلام مستحيل تلاقيهم على أرض الواقع بينما الابطال يمكن محاكاتهم .. أو ببساطة البنت بتتخلى عن بعض الصفات اللى بتحلم بيها أو فى معظم الاوقات بتبقى حاجات ليها علاقة بالشخصية أكتر منها أنها ليها علاقة بالشكل ..

أنا بلوم هوليوود و ديزنى على اللى عملوه ده !!

كل بنت دلوقتى مبقتش بتحاول تبين شخصيتها الحقيقية .. بس بقت نسخة من حد تانى عشان ده اللى هى شايفاه قدامها .. لازم تحمل صفات معينة عشان يتقال عليها جميلة ..

يعنى بمعنى أصح لازم نبقى كربونة من أنجلينا جولى على حبة سندريلا و شوية جينيفر لوبيز على هيفاء وهبى و امثالهم عشان نبقى حلوين

متخليش حد يقنعك أنك مش جميلة .. أنك مفيش حد هيقدر يكون أحلى منك .. كل حد ليه مميزاته و عيوبه

و مش معنى انى مش شبه أميرة أو ممثلة حلوة .. أنى مش جميلة :)

ممكن تبقى روحك .. شخصيتك .. ضحكتك .. او حتى طريقة كلامك .. لازم فيكى حاجة بتميزك

و بتديكى جمــالك 

أوووف بقى :D

Saturday, June 25, 2011

بتسمــع إيـــه ؟



بما أنى حاسة بملل و شلال الابداع تقريبا وقف .. حسيت بالامل بعد ما لقيت التاج ده و مقدرتش أقاوم أعمله .. بما أنى مش عايزة أفوت اليوم من غير ما أكتب حاجة

أى حد يقدر يعمله .. مسلى فعلا :) 

- أول حاجة افتحو أى Music List  بتسمعوها حاليا

- جاوبوا على الاسئلة دى منها

 

-أكتر 10 أغانى بتسمعها حاليا ؟

Mr Taxi – Girls Generation

Hello Hello – FT Island

Midnight Circus – Sunny Hill

Starlight Moonlight – Secret

The Story I Couldn't tell – Alex

I Love You – Alex

She Loves You – The Beatles

Way Back Into Love – Hugh Grant

And I Love Her – Julio Iglesias

When I need You – Leo Sayer

(طبعا معظم الاغانى و المغنيين غريبى الاسم و المظهر .. بس أنا ذوقى غريب فى الاغانى :)


أحلى 5 أغانى جديدة (أو عجبتك مؤخرا مش لازم جديدة ) ؟

Wish – Arashi

Hot Summer – F(x)

Tell Me – Battle

I Just Can't Stop Loving You – Michael Jackson

Hello Hello – FT Island

 

أغنية مش بتحبها ؟

اممم .. مفيش أغنية معينة بس بكره أغانى

Hard Rock, Metal  و أى شئ من هذا القبيل

 

أكتر 3 أغانى معلقة معاك دلوقتى ؟

Starlight Moonlight – Secret

DJ got us falling in Love – Usher

Good Day - IU

 

أغنية نفسك المغنى بتاعها يغنيهالك بنفسه ؟

هو فيه كتير جدا الصراحة بس هحاول اختار كام واحدة كده ^^

Marry You - Super Junior

Somebody's Me – Enrique Iglesias

If It's You – Alex

You Raise Me Up – Josh Groban

 

أغنية نفسك اللى بيحبك يغنيهالك ؟

You're Beautiful – James Blunt

When You Say You Love Me – Josh Groban

 

أغنية جديدة عاجباك ؟

Starlight Moonlight – Secret

 

أغنية بتخليك تعيط /  تتأثر ؟

فيه كتير جدااا .. بس دى أول أغنية جت فى دماغى

Not Me, Not I – Delta Goodrem

 

أغنية بتفرحك ؟

Happiness – Super Junior

Big Big World - Emilia

 

أغنية بتسمعها دلوقتى ؟

A Year Without Rain – Selena Gomez

 

طبعا بوست خالية من الابداع ..

بس أحب أشوف اجاباتكم هنبقى عاملة ازاى و أعرف الاغانى اللى بتسمعوها :D