عمر حد و هو بيتفرج على فيلم رومانسى أو فيلم من أفلام ديزنى المخضرمة .. خد باله من حاجة مشتركة ألا و هى البطـــل ..
البطل لازم بيبقى منقسم لنوعيتين .. فى الافلام الهوليوودية العادية عادة لا اما بيبقى حب من أول من نظرة و بيكون حب بطريقة مشكوك فيها بس مقدرش الواحدة مننا غير انها تقول "هو مفيش كده ليه" أو بيبقى كارهها فى الاول أو بتبقى حبيبة صاحب أخوه و بيبدأ يحبها و يموت فيها و برضة بنقول "هو مفيش كده ليه" برضة ..
أو فى أفلام ديزنى .. الأمير اللى أول ما بيشوفها بيغنى .. أو بيحلم بيها أو أول ما يشوفها يحبها حتى لو ملكة جمال العالم جاتله , مش بيبصلها أصلا
البطل .. بيبقى وسيم .. حساس أو بيقلب حساس أول ما يعرفها .. تحس أنه كان مش محترم و فيه كل العبر و هى اللى خلته بنى ادم .. الخ الخ الخ
امممم .. يا ترى , كل الصفات اللى فوق دى واقعية أو بنشوفها فى حياتنا اليومية ؟
بس ده مش موضوعنا موضوعنا هو البطلة .. البطلة اللى هى المفروض بتشير للبنوتات الرقيقات اللى هما احنا
لازم تبقى حلووة جدا و ليها مقاييس معينة (اللى هو يحسسوك ان لو البنت مش حلوة كده .. ملهاش نصيب يا عينى) .. لازم تكون هى الوحيدة اللى مكنتش بتفكر فى البطل ده و تبدأ تحبه بعدين بقى (قاانوون) ..
ليه لازم تبقى حلوة ؟؟ مش لازم تبقى حلووة , فين حقوق البنات اللى مش حلووة ؟
انا مش بحقد .. ولا بغير .. عشان متفهمونيش غلط .. أنا بس بطالب بالمساواة .. مثلا سندريلا , ليه كانت سندريلا بس الحلوة , ليه مكنوش البنتين ولاد مرات باباها حلوين ؟ و لا عشان هى البطلة ؟
الافلام خلت زى ما البنات عايزين مقاييس معينة فى أمير أحلامهم .. خلت أميرات أحلام الاولاد شخصيات وهمية .. لازم تبقى حلووة خالص و ياريت تبقى بلوند بقى .. عينيها خضرا و بتقلب أزرق , رقيقة و فى نفس الوقت شخصيتها قوية .. الخ الخ الخ
مش هقول ان البنات مش نفسهم فى صفات معينة .. بس لازم نقول أن البطلات اللى فى الافلام مستحيل تلاقيهم على أرض الواقع بينما الابطال يمكن محاكاتهم .. أو ببساطة البنت بتتخلى عن بعض الصفات اللى بتحلم بيها أو فى معظم الاوقات بتبقى حاجات ليها علاقة بالشخصية أكتر منها أنها ليها علاقة بالشكل ..
أنا بلوم هوليوود و ديزنى على اللى عملوه ده !!
كل بنت دلوقتى مبقتش بتحاول تبين شخصيتها الحقيقية .. بس بقت نسخة من حد تانى عشان ده اللى هى شايفاه قدامها .. لازم تحمل صفات معينة عشان يتقال عليها جميلة ..
يعنى بمعنى أصح لازم نبقى كربونة من أنجلينا جولى على حبة سندريلا و شوية جينيفر لوبيز على هيفاء وهبى و امثالهم عشان نبقى حلوين
متخليش حد يقنعك أنك مش جميلة .. أنك مفيش حد هيقدر يكون أحلى منك .. كل حد ليه مميزاته و عيوبه
و مش معنى انى مش شبه أميرة أو ممثلة حلوة .. أنى مش جميلة :)
ممكن تبقى روحك .. شخصيتك .. ضحكتك .. او حتى طريقة كلامك .. لازم فيكى حاجة بتميزك
و بتديكى جمــالك
أوووف بقى :D
حلوة اوى الكلام ده
ReplyDeleteوياريت ناس كتير تاخد به
بس المكشله اننا اتربينا على كده بقى مبدا فى حياتنا
ومن كتر التكرار خلاص بقينا نؤمن بالقصص الخيالية اللى ف الافلام
ياريت كل واحد يحلم ويتاكد ان جواه حاجه حلوة هى اللى بتميزة عن الناس كلها
اللي إنتي بتتكلمي عليه ده إسمه ظاهرة التنميط
ReplyDeleteيعني كل حاجة وكل كائن لازم يخضع لنمط معين بيحدده أشخاص معينين (هوليود وديزني مثلا) واللي يطلع بره النمط ده يبقي بكل بساطة , يع
الموضوع صعب بصراحة بعد كل سنين التأثر بالكلام ده
بس عارفة , لو كل واحد ربنا وفقه لقصة حب - ما هو مش كل الناس بتعيش قصة حب - مش هيبقي فيه مشكلة
أنا لو عرفت واحدة أيا كانت وحسيت إنها هي دي . . هكون ساعتها حبتها خلاص ومش هتفرق أو مش هحس أنا بأي حاجة
مدام بتحبي الأفلام فيه فيلم البطل فيه قال جملة حلوة قوي . . تقريبا
the truth about cats and dogs
إن الإنسان شكله بيتغير كل ما تعرفه أكتر
لو إكتشفت إنه إنسان كويس حتي لو شكله وحش هتلاقي شكله بيحلو يوم بعد يوم
ولو إنسان وحش شكله هيوحش يوم بعد يوم حتي لو كان زي القمر
يعني الإنسان شكله بيتغير كل يوم بالنسبة للناس اللي حواليه
وبرضو الإنسان ضعيف :))
@Shimaa :)
ReplyDeleteهى دى فعلا مشكلة أن الموضوع خلاص بقى حاجة اتعودنا عليها
بس مش مشكلة لو فعلا كل حد مننا عرف أن فى حاجة واه مش موجودة عند حد تانى
شكرا يا جميل :)
@Mustafa
ReplyDeleteبالظبط كده .. و هى للأسف بقت حاجةاحنا ماشيين عليها فعلا فى كل حاجة و اللى يخرج عنها يبقى فعلا يع
بس زى ما أنت قلت مش كله بيمر بقصص حب .. و مش كل اللى بيمر بقصص حب بيكون كده
حتى لو كان كده فى الاول بيبدأ الموضوع يأثر فيه .. سواء الشخصية مش عاجباه أو الشكل .. و كده
طبعا مش بقول أن كله كده .. بس بقى المعظم كده
بيمشوا حسب معايير معينة .. و للأسف معظم المعايير دى بتحكم على الانسان من شكله قبل جتى ما تعرف شخصيته
أنا عارفة الفيلم ده .. و الجملة دى رائعة فعلا و صحيحة أوووى
بس الانسان مهما كان .. بيشوف الاول قبل ما بيبدأ يحس .. معظم الاوقات برضة
شكرااا أوووى على مرورك و ردك =)
الجمال مش شرط الجمال الخارجى
ReplyDeleteبيتهيألى الجمال الداخلى مع الوقت بيفرض نفسه
واكيد الانطباع الاول بالنسبه للشكل مع الوقت مش هيدوم
الافلام عموما بتبين الحاجات دى بالذات بطريقه مثاليه شويتين
يمكن الموضوع اكتر فى افلام ديزنى لانها اكتر مثاليه
أنا كمان مقتنعة بكده فعلا أن الأهم الجمال الداخلى
ReplyDeleteده اللى بيدووم مع الشخص و ده اللى بيأثر فى اللى حواليه أكتر
هى المشكلة المثالية بتاعتهم دى =)
شكرااااااا